"ტოტენჰემისა" და "ფულემის" ყოფილმა მწვრთნელმა, მარტინ იოლმა, რომელიც ამჟამად ეგვიპტურ "ალ-ალის" წვრთნის ჟოზე მოურინიოს ურჩია, რომ ყურადღებით დააკვირდეს 19 წლის ვინგერ, რამადან სობჰის, რომელიც გუშინ "ალ-ალიდან" "სტოკ სიტიში" გადავიდა.

"ჟოზე მოურინიოს გავუგზავნე წერილი, რომელთანაც მე კონტაქტს ვინარჩუნებ და ვთხოვე, რომ რამადანს ყურადღებით დააკვირდეს. ის შესანიშნავი ფეხბურთელია და "მანჩესტერ იუნაიტედში" თამაში ნამდვილად შეუძლია.

მე სობჰის შენარჩუნება ვცადე, მაგრამ მან პრემიერ ლიგაში მიღებული შანსის გამოყენება სცადა. იმედი მაქვს, რომ ის ინგლისში წარმატებებს მიაღწევს და მას ჩვენ ეგვიპტიდან მხურვალედ ვუგულშემატკივრებთ,"-აცხადებს იოლი

ეგვიპტელი შემტევი "ალ ალის" აღზრდილია. მისი დებიუტი პროფესიონალურ დონეზე 16 წლის ასაკში შედგა. უკანასნელ სეზონში ადგილობრივ ჩემპიონატში მან 37 შეხვედრა ჩაატარა და 7 გოლის გატანა მოახერხა. ასევე სობჰიმ ეროვნულ ნაკრებში 4 მატჩში მიიღო მონაწილეობა და იქაც 1 გოლის გატანა მოახერხა.

[video=https://www.youtube.com/watch?v=x3R-FDZ3yVw]

წყარო: ManUtd.ru