"იუნაიტედის" ლეგენდარული ნახევარმცველი, ბრაიან რობსონი ზლატან იბრაჰიმოვიჩის ტრანსფერით მოხარულია.

რობსონის თქმით, ზლატანის ტრანსფერმა "იუნაიტედში" შესაძლოა ისეთივე ეფექტი იქონიოს, როგორც 2012 წელს ვან პერსის გადასვლამ. ასევე, შვედ ფორვარდს უეინ რუნისთან ერთად დიდი ზეწოლა ექნება. მოგეხსენებათ, ზლატანი გუნდთან ერთად ვარჯიშს ამ კვირას დაიწყებს.

იბრაჰიმოვიჩის ასაკი ცხარე დებატების თემა გახდა, თუმცა, რობსონი იხსენებს იმას, რომ თითქმის ამ ასაკში შეუერთდა "იუნაიტედს" ჰოლანდიელი ფორვარდიც. ვან პერსი გუნდში მოსვლის დროს 29 წლის იყო, თუმცა, სეზონის ბოლოს პრემიერ ლიგის ტიტული მოიგო.

"ზლატანი 34 წლის არის და მისი 28-29 წლის ასაკში შეძენა კარგი იქნებოდა, მაგრამ "პსჟ"-ში გასული სეზონი ყველაფერს ამბობს, ის შესანიშნავ ფორმაშია. მას შეუძია "იუნაიტედს" ბევრი რამ მისცეს. სწორედ ასე ლაპარაკობდნენ ვან პერსის შესახებ, მაგრამ მან გუნდისთვის მე-20 ტიტულის მოგებაში დიდი წვლილი შეიტანა. ვიმედოვნებ, იბრაჰიმოვიჩიც ასეთი იქნება.

მისი მოსვლა რუნისთან ერთად ზეწოლას გაზრდის. მაშინ, როდესაც ვერ ვიგებთ ტიტულს, ყველა ამბობს, რომ უეინი ცუდ ფორმაშია. ეს ძალიან რთულია, თუმცა, ახლა არის ზლატანი და რუნის მასთან ერთად პასუხისმგებლობის აღება შეუძლია.

მომეწონა იბრაჰიმოვიჩის ინტერვიუ, სადაც მან განაცხადა, რომ ერთხელ საკუთარ თავი 10-დან 10 ქულით შეაფასა, კითხვაზე, თუ როგორ შეაფასებდა იგი საკუთარ თავს ამჟამად, მან 10-დან 11 ქულა დაიწერა,"-ციტირებს ბრაიანის სიტყვებს ESPN.

წყარო: ManUtd.one