ინგლისის ნაკრების ახლად დანიშნულმა მწვრთნელმა, სემ ელერდაისმა პრესკონფერენციაზე ჟურნალისტები მიანიშნა იმაზე, რომ უეინ რუნის ნაკრებში საკუთარი როლი გარანტირებული არ აქვს.
2014 წელს, სტივენ ჯერარდის წასვლის შემდეგ, როი ჰოჯსონმა კაპიტნის სამკლაური უეინ რუნის გადასცა, ძალიან მალე "იუნაიტედის" ლიდერი ნაკრების ყველა დროის საუკეთესო ბომბარდირი გახდა, მაგრამ ევროპის ჩემპიონატზე ასპარეზობის შემდეგ, კრიტიკის ქარ-ცეცხლში მოექცა.
სემ ელერდაისმა "სამი ლომის" მენეჯერის ამპლუაში, სადებიუტო პრესკონფერენციაზე განმარტა, რომ ფეხბურთელებთან შეხვედრამდე, გუნდში, უეინ რუნის ჩათვლით დაცული როლი არც ერთს არ აქვს გარანტირებული.
"პროგნოზებისა და მნიშვნელოვანი გადაწყვეტილების მისაღებად, ჯერ კიდევ ადრეა. ჯერჯერობით მე ფეხბურთელებსა და სამწვრთნელო შტაბის წევრებს არ შევხვედრილვარ. ეს ჯერ ჩემი პირველი დღეა და უბრალოდ ყველას გაცნობა მინდა,"-ციტირებს "დიდი სემის" სიტყვებს BBС