დევიდ მოიესი "მანჩესტერ იუნაიტედის" ვინგერის, ადნან იანუზაის თაობაზე შეთავაზებას გააკეთებს.
21 წლის ფეხბურთელის იჯარით გადაბირება შესაძლებელია და "სანდერლენდი" მისით 1 წლის წინაც ინტერესდებოდა, სანამ ბელგიელი დორტმუნდის "ბორუსიაში" გადავიდოდა.
გერმანულ გუნდში იანუზაიმ მხოლოდ ექვსი მატჩი ჩაატარა, რის შემდეგაც "ოლდ ტრაფორდზე" სეზონის შუა ნაწილში დაბრუნდა.
"შავი კატები", რომელთა ახალი მთავარი მწვრთნელი დევიდ მოიესია, კვლავ ინტერესდებიან ადნანით. სწორედ "სტედიუმ ოფ ლაითზე" გაიტანა იანუზაიმ ორი გოლი "იუნაიტედის" რიგებში ჩატარებულ სრულ მატჩში, რა დროსაც "წითელი ეშმაკებს" სწორედ შოტლანდიელი სპეციალისტი წვრთნიდა.
"იუნაიტედის" ყოფილ მწვრთნელს თავის ახალ გუნდში უფრო მეტის მიღწევა სურს, ვიდრე ყოველწლიურად პრემიერ ლიგაში დარჩენისთვის ბრძოლაა და ამისთვის მნიშვნელოვანი შენაძენების განხორციელებას აპირებს.