უეინ რუნის მიაჩნია, რომ გუნდში ჯერ კიდევ ერთ-ერთი ყველაზე სწრაფი ფეხბურთელია და ამის პარალელურად ყველაზე სწრაფ და ყველაზე ნელ ფეხბურთელებს ასახელებს.
30 წლის ინგლისელი ამჟამად ჩინეთში იმყოფება "წითელ ეშმაკებთან" ერთად და "მანჩესტერ სიტისთან" დაპირისპირებისთვის ემზადება, მატჩის წინ კი რუნიმ ეშლი იანგთან ერთად ფეისბუქზე დასმულ შეკითხვებს უპასუხა, სადაც ჰკითხეს, თუ ვის მიიჩნევდა გუნდის უსწრაფეს მოთამაშედ. "ჯერ კიდევ მგონია, რომ მე ვარ ყველაზე სწრაფი! არ ვიცი. ეშლი იანგი შედის ასეთთა რიცხვში და ანტონიო ვალენსიაც. ენტონი მარსიალი. ლუკ შოუ, როცა წინ მიიწევს. ეს სამი, ალბათ", - განაცხადა კაპიტანმა.
ინგლისის ნაკრების კაპიტანმა ასევე ისაუბრა კლუბის ყველაზე ნელ ფეხბურთელზე, მაგრამ ეს საკმაოდ დიპლომატიურად გააკეთა.
"დეილი ბლინდი უნდა დავასახელო. ამას თავისი გონებით ანაზღაურებს. სწრაფად აზროვნებს, მაგრამ შეჯიბრი რომ გვქონდეს, ყველაზე ბოლო იქნებოდა".