მსოფლიოში ყველაზე სწრაფი ადამიანი, უსეინ ბოლტი ბევრი მიზეზის გამო იუმორით გამოირჩევა. იგი უკვე დიდი ხანია "იუნაიტედის" შემადგენლობაში მოხვედრას ცდილობს და მისი განცხადებით, ეს ნამდვილად შეუძლია.
როგორც "იუნაიტედის" დიდი გულშემატკივარი, იამაიკელი სპორტსმენი ახალი მწვრთნელის დანიშვნას გამოეხმაურა და მოურინიოს მიმართა კიდეც.
"მე ჯერჯერობით ზარი არ მიმიღია, მაგრამ ეს მალე მოხდება. ვფიქრობ, ის ოლიმპიადის დასრულებას ელოდება,"
"მე ვარ ბედნიერი, ნამდვილად ბედნიერი. მიმაჩნია, რომ ის საუკეთესო არჩევანია. მოურინიო გამარჯვებულია.
ჟოზე შრომისმოყვარეა და "მანჩესტერ იუნაიტედს" სწორედ ეს სჭირდებოდა. ის აშენებს შემადგენლობას, ამ გუნდში დიდი ფეხბურთელების ნახვას მოუთმენლად ველი, რომლებითაც ნამდვილად განცვიფრებული ვიქნები," - განაცხადა ბოლტმა.