The Guardian-ის მიერ გავრცელებული ინფორმაციის თანახმად, პირველი გასვლითი მანჩესტერული დერბის ჩატარება, მომავალ კვირას აზიაში ამინდის შესაძლო გაუარესების გამო საეჭვოა.

"იუნაიტედი" ხვალ "ბორუსიასთან" გასამართი შეხვედრის შემდეგ, პეკინში მიემგზავრება, მაგრამ მოსალოდნელმა ძლიერმა წვიმამ შესაძლოა, სტადიონი თამაშისთვის გამოუსადეგარად გახადოს, ხოლო ალტერნატიული, 91 ათასიანი სტადიონის ძებნა, ჩემპიონატის ორგანიზატორებს ძალიან გაუჭირდებათ.

ტურნირის პრეს-მდივანმა განაცხადა: "დიახ, ჩვენ ნამდვილად გვემუქრება საშიშროება. მოსალოდნელია, ამინდის ძლიერი გაუარესება, მაგრამ იმედი გვაქვს, მატჩი შედგება."

კომენტარი "მანჩესტერ იუნაიტედის" პრეს-მდივანმაც გააკეთა: "ჩვენ პეკინში ცუდი ამინდის შესახებ ვიცით, მაგრამ გვესმის, რომ ორგანიზატორები ყველაფერს გააკეთებენ იმისთვის, რომ მატჩში ჩატარდეს."

წყარო: Manutd.ru