"მანჩესტერ იუნაიტედმა" ოფიციალური ინფორმაცია გაავრცელა იმის შესახებ, რომ 21 წლამდელთა გუნდი პრემიერ ლიგის საერთაშორისო თასზე მიიღებს მონაწილეობას. ეს ინგლისური ტურნირია, სადაც 23 წლამდე მოთამაშეებს აქვს თამაშის უფლება და რომელშიაც სხვა ქვეყნების კლუბებიც მონაწილეობენ.

ტურნირის მიმდინარე ჩემპიონია "ვილიარეალი", რომელმაც ფინალში "პსვ" დაამარცხა.

ამ ჩემპიონატზე მონაწილეობას მიიღებს 24 კლუბი, აქიდან 12 ინგლისის წარმომადგენელი იქნება. კენჭისყრის დროს, გუნდები 7 ჯგუფში იქნებიან განთესილები. თითოეულ ჯგუფში 4 კლუბი იქნება, რომლებიც ერთმანეთთან მხოლოდ 1 მატცს ჩაატარებენ. ჯგუფის გამარჯვებულები, ასევე მეორე და მესამე ადგილოსნები პლეი-ოფში ითამაშებენ.

ტურნირის რეგლამენტის მიხედვით, გუნდს შეუძლია 23 წელს გადაცილებული მხოლოდ 3 ფეხბურთელი დაიმატოს, ასევე ამ ასაკზე უფროსი შეიძLება მხოლოდ კიპერი იყოს.

მომავალი სეზონის საერთაშორისო ჩემპიონატში მონაწილეობას მიიღებენ შემდეგი კლუბები.

ინგლისი: "ასტონ ვილა", "ჩელსი", "დერბი", "ევერტონი", "ლესტერი", "ლივერპული", "მანჩესტერ იუნაიტედი", "მიდლსბრო", "ნორივიჩი", "რედინგი", "სანდერლენდი", "სუონსი".

სხვა ქვეყნის გუნდები: "ატლეტიკო"(ესპანეთი), "ბენფიკა"(პორტუგალია), "სელტიკი"(შოტლანდია), ზაგრების "დინამო"(ხორვატია), "ფეინოორდი"(ჰოლანდია), "ჰერტა"(გერმანია), "პსვ"(ჰოლანდია), "სპარტა"(პრაღა), "ვალენსია"(ესპანეი), "ვილიარეალი"(ესპანეთი), "ვოლფსბურგი"(გერმანია).

"მანჩესტერ იუნაიტედმა" აღნიშნა, რომ ამ ტურნირზე მონაწილე არც ერთი 21 წლამდელი ფეხბურთელი, ახალგაზრდულ პრემიერ ლიგაში(U21) არ იასპარეზებს.

წყარო: ManUtd.com