ანდრეას პერეირამ "უიგანის" წინააღმდეგ მატჩში, მოედანზე დროულად გამოსვლის შემდეგ, საკუთარი შესაძლებლობები დაამტკიცა და ჟოზე მოურინიო ულამაზესი გოლით განცვიფრებული დატოვა.

პერეირას ძალისხმევამ და გატანილმა გოლმა, გუშინდელ მატჩში გუნდს დიდი კომფორტი მოუპოვა. ჟოზე მოურინიომ კი მატჩის შემდეგ, ბრაზილიელზე ისაუბრა და 20 წლის შემტევის ტექნიკას ხაზი გაუსვა.

"ანდრეასს ძალიან დიდი ნიჭი აქვს. მას შესანიშნავი ხედვა და ბრწყინვალე ტექნიკა გააჩნია."-განაცხადა პორტუგალიელმა სპეციალისტმა.

"ძალიან ბედნიერი ვარ, რომ აღნიშნულ მატჩში გოლი გავიტანე და ვფიქრობ, ეს არც თუ ისე ცუდი დარტყმა იყო."-განუცხადა ნიჭიერმა ახალგაზრდამ MUTV-ს.

პერეირამ მაიკლ კერიკი შეცვალა და ჟოზე მოურინიოს მიერ განხორციელებეული მესამე ცვლილება გამოდგა. ბრაზილიელმა ანდერ ერერასთან ერთად ცენტრალური ნახევარმცველის როლი მოირგო და გუნდს, როგორც წინ, ასევე დაცვაში ეხმარებოდა.

"მე სხვადასხვა პოზიციაზე თამაში შემიძლია, თუმცა, ამ შემთხვევაში დიდი სიამოვნება მივიღე.

ვფიქრობ, ძალიან მნიშვნელოვანი იყო, რომ მომეცა რამდენიმე წუთი, მეჩვენებინა მწვრთნელისა და გუნდისთვის, რომ მათთვის დახმარების გაწევა შემიძლია."

პერეირას დებიუტი, ორი წლის წინ, ინგლისის ლიგის თასზე "დონსის" წინააღმდეგ მატჩის დროს შედგა. დღევანდელ შემადგენლობაში კი აღნიშნული შეხვედრის შემდეგ მხოლოდ 4 ფეხბურთელი: დავიდ დე ხეა, ადნან იანუზაი, ანდრეას პერეირა და ჯეიმს უილსონი დარჩა.

მიუხედავად იმისა, რომ ლუი ვან გაალის ხელმძღვანელობის დროს, დიდი ნაწილი ანდრეასმა რეზერვისტთა ნაკრებში გაატარა, მან პირველ გუნდში გოლის გატანა და რამდენიმე შეხვედრაში მონაწილეობს მიღება მაინც მოახერხა.

სამ თვიანი უთამაშებლობის შემდეგ, პერეირა შანსის მიღებას პირველ გუნდში და მოურინიოზე შთაბეჭდილების მოხდენას წინასასეზონო ტურნეზე შეეცდება.

"ეს ჩემთვის ძალიან მნიშვნელოვანია. მინდა მწვრთნელს, ფეხბურთელებსა და ხალხს ვაჩვენო, რომ შემიძლია "იუნაიტედს" ამ სეზონში დავეხმარო. ნამდვილად, ეს ჩემთვის ძალიან მნიშვნელოვანია. შესაძლებლობების ჩვენება ვარჯიშზე ძალიან მსურს და კარგად მუშაობას კვლავ ვინარჩუნებ."

წყარო: ManUtd.com