ჟოზე მოურინიო აცხადებს, რომ Aon-ის მიერ წარდგენილი 2016 წლის ტურნესა და "მანჩესტერ იუნაიტედის" ცხოვრების პირველი გემოს გასინჯვას მოუთმენლად ელის. ასევე პორტუგალიელს სჯერა, რომ ეს, როგორც მისთვის, ასევე ფეხბურთელებისთვის (მოედნის გარეთაც) მნიშვნელოვანი გამოცდილება იქნება.

ჩინეთსა და ამერიკაში მოგზაურობა, ახალ მწვრთნელს ფეხბურთელებისა და სხვა დეტალების უკეთ გაცნობაში დაეხმარება. პორტუგალიელის თქმით, ტურნე კარგი შესაძლებლობაა გუნდის შეკვრისთვისა და მნიშვნელოვანი ვარჯიშებისთვის.

"ვიმედოვნებ, ვნახავ ჯგუფს, ემოციური თვალსაზრისით, ჩვენ შევხვდებით და უკეთ გავიცნობთ ერთმანეთს. ეს მნიშვნელოვანია, როგორც საფეხბურთო, ისევე ადამიანური თვალსაზრისით.

ფაქტია, რომ ტურნეზე ბევრი მოთამაშე დაგვაკლდება, რაც ტაქტიკურად, ცოტაოდენ ობიექტურობას არღვევს, თუმცა ეს ასეა. ჩვენ არ შეგვიძლია სასწაულის მოხდენა და მოთამაშეებს ევროპის ჩემპიონატიდან პირდაპირ აქ მოწვევა. მათ დასვენება, ხოლო ჩვენ ამ ფეხბურთელების გამოყენება 10 თვის განმავლობაში გვჭირდება.

ცოტა უცნაური იქნება, განსაკუთრებით ახალი მწვრთნელისთვის, რომელმაც ფეხბურთელები უნდა გაიცნოს და მათთან ერთად იმუშაოს. ვფიქრობ, ასევე ტურნე არის კლუბის განზომილებისთვის, პროექტირებისთვისა და კავშირისთვის, ამ შემთხვევაში აზიის მარკეტთან. კომერციულად და ფანებისთვის, ეს ძალიან ბევრს ნიშნავს.

ამ პერსპექტივით, ვიმედოვნებ, რომ ხალხი გაიგებს ამ კლუბის განზომილებას და მიხვდება, რომ "იუნაიტედის" გულშემატკივრები მთელს მსოფლიოში არიან, ამ შემთხვევაში კი ჩვენ აზიაში გველოდებიან.

მე ვყოფილვარ აზიაში სამ სხვადასხვა კლუბთან ერთად და ვიცი, რომ ფანები მოსიყვარულეები არიან, რაც მთავარია ჯერ ფეხბურთთან, ხოლო შემდეგ კი ხალხთან მიმართებაში. მათი სამიზნე ინდივიდუალურობაა და თუ რომელიმე პერსონა სხვა კლუბში წავა, მათ მიყვებიან. მაგალითად, ზლატანი, რომელსაც აქვს თავისი ფან-ბაზა და "იუნაიტედშიც" აუცილებლად ექნება.

როდესაც აქ მოვედი, მივხვდი, თუ რას ნიშნავს "მანჩესტერ იუნაიტედი" გულშემატკივრებისთვის. მე ვიყავი ბანგკოკში და ერთმა ჩემმა მეგობარმა მიმიყვანა "იუნაიტედის" რესტორანში, სადაც გულშემატკივრებიც იმყოფებოდნენ. მე მეცვა განსაკუთრებული ჟაკეტი, რადგან ვიყავი სულ სხვა კლუბის მენეჯერი![იცინის] ამ რესტორანში ფანები ყოველ კვირას იკრიბებოდნენ და უყურებდნენ "იუნაიტედის" მატჩებს და ადვილი მისახვედრი იყო, თუ რამდენად დიდი კლუბი იყო ის აქ,"-განაცხადა მოურინიომ adidas' Front Row-თან მორიგ ინტერვიუში.

წყარაო: ManUtd.com