ფრანგული გამოცემა L'Equipe იტყობინება, რომ "მანჩესტერ იუნაიტედს" პოლ პოგბას გადაბირების შანსები გაეზარდა, რამეთუ ფეხბურთელმა თავისი ოჯახის წევრებს აცნობა, რომ "ოლდ ტრაფორდზე" დაბრუნება სურს.

"წითელი ეშმაკები" მადრიდის "რეალთან" ერთად "იუვენტუსის" ნახევარმცველის შეძენის მთავარ კანდიდატებად ითვლებიან.

მიუხედავად იმისა, რომ ბრიტანული მედია ევროპის ჩემპიონატის ფინალისტისთვის ბრძოლაში მადრიდირელებს მიიჩნევს დაწინაურებულად, L'Equipe საპირისპირო ინფორმაციას ავრცელებს და აცხადებს, რომ 23 წლის ფრანგმა მეგობრებსა და ოჯახის წევრებს "იუნაიტედში" დაბრუნების სურვილი გაუზიარა.

ჟოზე მოურინიოს გუნდი პოგბას აგენტთან, მინო რაიოლასთან აქტიურ კავშირს ამყარებს და ამის საფუძველზე გუნდის ახალწვეულები უკვე გახდნენ ზლატან იბრაჰიმოვიჩი და ჰენრიხ მხითარიანი.