უელსის ეროვნული ნაკრების მწვრთნელმა, კრის კოულმენმა აღიარა, რომ 2011 წელს მისი კარიერა სერ ალექს ფერგიუსონმა იხსნა.

2010 წლის მაისში კრის კოულმენი ჩემპიოშიპიდან გავარდნის შემდეგ, "ქონვერტი სიტიდან" გაუშვეს და უელსელი სპეციალისტი თითქმის მთელი წელი უმუშევარი იყო, თუმცა, მომდევნო წლის მაისში სერ ალექსის რჩევით იგი ბერძნულ კლუბ "ლარისას" ჩაუდგა სათავეში.

2012 წლის იანვარს, გარი სპიდის გარდაცვალების შემდეგ კოულმენი "დრაკონების" მთავარ მწვრთნელად დაინიშნა და ევროპის ჩემპიონატის ფინალურ ეტაპზე პირველად მოხვდა, რის შემდგეც ტურნირის ნახევარფინალში პორტუგალიასთან დამარცხდა.



პორტუგალიის წინააღმდეგ მატჩის წინ, ბრიტანულ პრესასთან მიცემულ ინტერვიუში კოულმენმა განაცხადა: "ოთხის წლის წინ, მე ვწვრთნიდი პრემიერ ლიგის კლუბს, შემდეგ კი სერ ალექსის რჩევით საბერძნეთის მეორე დივიზიონის გუნდში დავიწყე მუშაობა. მან მირჩია, რომ ნებისმიერი სამუშაო მიმეღო და არცერთ შემთხვევაში დიდი ხნის განმავლობაში სამსახურის გარეშე არ დავრჩენილიყავი. სწორედ ასე მოვიქეცი."

წარსულში უელსის ნაკრების მოთამაშემ ასევე ისაუბრა იმაზე, რომ მწვრთნელებისთვის სამუშაოს პოვნა არც თუ ისე ადვილია და ეს რისკიც ხშირ შემთხვევაში არ მართლდება.

"ძალიან ბევრი მწვრთნელი ზის სამსახურის გარეშე, რადგან ვაკანსია არც ისე ბევრია. თამაშის წესი ასეთია, შეცდომა არ უნდა დაუშვა. თუ არ გაგიმართლა ორ კლუბში, მესამე შანსს ძალიან რთულად მოგცემენ. "ქოვენთრიში" არ გამიმართლა და შეიძლებოდა ამაში გარემოებები დამედანაშაულებინა, თუმცა, თუ სიმართლეს ვიტყვით, დამნაშავე მე ვიყავი. "ქოვენთრიდან" წამოსვლას ერთწლიანი უმუშევრობა მოჰყვა, თუმცა ეს წელი ჩემს სასარგებლოდ შემოტრიალდა. მქონდა დრო მეფიქრა, მწვრთნელის სამუშაოს მიდგომაზე და სამიზნეებზე, მაგრამ ავღმოჩნდი საბერძნეთის მეორე დივიზიონში. ჩემდა გასაკვირად, ეს იყო ცხოვრებაში ერთ-ერთი ყველაზე დიდი და კარგი გამოცდილება, რადგან კომფორტული ზონის დატოვების შემდეგ ძალიან ბევრი ვისწავლე. ცხოვრება მოითხოვს ახალ კითხვებს, რომელსაც პასუხი აუცილებლად უნდა გასცე.

"როდესაც მუშაობ ინგლისსა თუ შოტლანდიაში, შენ ყველაფერი იცი. სხვა ქვეყანაში კი, სრულიად განსხვავებული თამაშია. ამას კიდევ და კიდევ გავაკეთებ. მოხარული ვიქნები, თუ საზღვარეგარეთ მუშაობის საშუალება კვლავ მომეცემა, რადგან ეს მაძლიერებს."-აცხადებს კოულმენი

კოულმენის მუშაობა "ლარისში" არ იყო თვალსაჩინო, თუმცა ძალიან გამოცდილმა სერ ალექსმა მას პოსტზე დარჩენა და ნებისმიერი სამსახურის მიღება ურჩია. ცოტა ხნის შემდეგ კოულმენის შედეგმა ყველა გააკვირვა.

წყარო: ESPN