მექსიკის ნაკრების შემტევმა ირვინგ ლოსანომ განაცხადა, რომ "მანჩესტერ იუნაიტედში" თამაშის პერსპექტივა მისთვის მიმზიდველი წინადადებაა.

"პაჩუკას" 20 წლის ფეხბურთელს ბოლო კვირების განმავლობაში უკავშირებენ "წითლებს" და კლუბის ვიცე-პრეზიდენტმა განაცხადა, რომ "იუნაიტედთან" მოლაპარაკებები მიმდინარეობს, ხოლო "ჩაკის" სიმამრის თქმით, მისი სიძე ოლიმპიური თამაშების შემდეგ გადავა "ოლდ ტრაფორდზე".

თავად მექსიკელმა ფეხბურთელმა კი ჭორების შესახებ შემდეგი განცხადება გააკეთა:

"კარგია, რომ "იუნაიტედის" მსგავსი გუნდები მაკვირდებიან და ვფიქრობ, თუ ისევ ისე ვითამაშებ, როგორც აქამდე, გუნდები ჩემ სანახავად საერთაშორისო მატჩებზეც მოვლენ.

რა თქმა უნდა, "მანჩესტერ იუნაიტედში" თამაშზე ფიქრი აღმაფრთოვანებს, მაგრამ ყველაფერი უნდა დავთმო, რომ ეს რეალობად ვაქციო.

მოურინიო დიდებული მწვრთელია, იბრაჰიმოვიჩი მსოფლიოს ერთ-ერთი საუკეთესო თავდამსხმელი, მაგრამ ახლა მხოლოდ "პაჩუკაზე" უნდა ვიფიქრო და მერე ვნახავთ, რა მოხდება", - განაცხადა ლოსანომ.

წყარო: M.E.N.