"მანჩესტერ იუნაიტედი" 2016/17 წლების სეზონისთვის მზადებას "უიგან ატლეტიკთან" მატჩით დაიწყებს.

ჟოზე მოურინიო "წითელი ეშმაკების" მთავარი მწვრთნელის რანგში თავის პირველ შეხვედრას "DW სტედიუმზე" 16 ივლისს, თბილისის დროით 16:30 სთ-ზე გამართავს.

კლუბის წინასასეზონო ტურნეზე საუბრისას მოურინიომ განაცხადა: "უიგანთან" პირველი მატჩი ძალიან მნიშვნელოვანია და ვაპირებ, ვათამაშო ფეხბურთელები, რომელთაც კარგად არ ვიცნობ, მაგრამ პირველ გუნდში გამოყენებას ვაპირებ. მათ კარგად არ ვიცნობ, მაგრამ ვენდობი ნიკი ბატს (აკადემიის ხელმძღვანელს) და ჯონ მარტოს (ფეხბურთის განვითარების ხელმძღვანელს), ასევე ახალგაზრდულ სტრუქტურას.

ვაპირებ, მათთან ახლოს ვითანამშრომლო და ვენდო, როცა ამბობენ, რომ რამდენიმე ფეხბურთელი გვყავს, რომლებიც მცირე ხანში პირველ გუნდში ითამაშებენ. მნიშვნელოვანია მათი გაცნობა და სამუშაო შესაძლებლობის მიცემა".

"უიგანთან" მატჩის შემდეგ "წითლები" ჩინეთში წინასასეზონო ტურნეს გასახანგრძლივებლად გაემართებიან, სადაც დორტმუნდის "ბორუსიასა" და "მანჩესტერ სიტის" შეხვდებიან 22 და 25 ივლისს შესაბამისად. ამის შემდეგ კი შვედეთში გაემგზავრებიან, სადაც 30 ივლისს "გალათასარაის" ეთამაშებიან, ხოლო 3 აგვისტოს რუნის საპატივცემულო მატჩი გაიმართება "ოლდ ტრაფორდზე" "ევერტონის" წინააღმდეგ.

წყარო: manutd.com