"იუნაიტედის" ექს-ნახევარმცველი, იასპერ ბლომქვისტი მიიჩნევს, რომ თანამემამულე ზლატან იბრაჰიმოვიჩი კლუბის "სტანდარტებს" შეესაბამება.

შვედმა ფორვარდმა "პსჟ" დატოვა, როგორც მსოფლიოში ერთ-ერთმა უმსხვილესმა ვარსკვლავმა. მისი ქარიზმა და გამარჯვების მენტალიტეტი, თანაგუნდელებს ძალიან დაეხმარება. ბლომქვისტი გრძნობს, რომ ცენტრ-ფორვარდი ჟოზე მოურინიოს გუნდში ერთ-ერთი ლიდერი იქნება და მას შეუძლია ღირებულის შექმნა.

MUTV-ს მიერ დასმულ კითხვაზე, იქნება თუ არა ზლატანი შესანიშნავ ფორმაში, ბლომქვისტმა უპასუხა: "დიახ, ჩემთვის აბსოლუტურად დიახ. ის გამარჯვების მენტალიტეტით და ბევრი სხვა სტანდარტებით მოვიდა. ზლატანი საკუთარ სტანდარტებზე გავლის უფლებას არავის მისცემს.

ის არის მოთამაშე, რომელსაც გამარჯვება უყვარს და "იუნაიტედისთვის" დიდი გაუმჯობესება იქნება. მას აქვს ვარჯიშის ეთიკა იმისთვის, რომ იყოს მსოფლიოს საუკეთესო მოთამაშე. ის არის იმ კატეგორიის ფეხბურთელი, ნამდვილად, მას სურს მოგება ვარჯიშის დროს, ისევე როგორც მოედანზე.

არის დიდი შანსი იმისა, რომ ზლატანის ხასიათი გადაედოს სხვა მოთამაშეებს, რომლებსაც ეს ძალიან სჭირდებათ. ის არის ლიდერი, რომელსაც პასუხისმგებლობის საკუთარ თავზე აღება შეუძლია, რაც უეინ რუნის საქმეს გაუადვილებს და სხვა ფეხბურთელებსაც დაეხმარება.

დარწმუნებული ვარ, მისი ტრანსფერი შვედეთში დიდ გავლენას მოახდენს, რადგან ის ვარსკვლავური ხარისხის თვალსაზირისით კრიშტიანო რონალდუსა და ლიონელ მესის უტოლდება.

მეტიც, მას აქვს საუკეთესო დამოკიდებულება. ის აკეთებს კარგ კომენტარებს და მომავალშიც ასე იქნება. მედია ზლატანის აქ ყოფნით, ნამდვილად ისარგებლებს,"-აცხადებს ბლომქვისტი MUTV-თან ინტერვიუში