დორტმუნდიდან მანჩესტერისკენ მიმავალი პირადი თვითმფრინავი, რომლითაც ჰენრიხ მხითარიანი მოგზაურობს, ინგლისში დღეს ჩავა.
M.E.N.-ის ცნობით, თვითმფრინავი მანჩესტერის აეროპორტში თბილისის დროით 17:30 სთ-ზე დაჯდება, რის შემდეგაც მალევე დასრულდება მხითარიანის ტრანსფერი.
"წითლები" 27 წლის სომეხი ფეხბურთელით დიდი ხანია ინტერესდებიან და როგროც დორტმუნდის "ბორუსიას" ხელმძღვანელობამ განაცხადა, მის თაობაზე გერმანულ კლუბს სარფიანი წინადადებითაც მიმართეს.
ჯერჯერობით ტრანსფერი ოფიციალურად არ დადასტურებულა, მაგრამ კლუბის ოფიციალურმა მაღაზიამ უკვე შეიტანა გაყიდვაში ჰენრიხის მაისურები.