"მანჩესტერ იუნაიტედი" 30 ივლისს გოტენბურგში "გალათასარაის" წინასასეზონო ტურნეს მატჩში დაუპირისპირდება.

მანამდე ეს კლუბები ექვსჯერ შეხვდნენ ერთმანეთს. პირველი დაპირისპირება 1993 წლის ოქტომბრით თარიღდება, როცა ევროპის თასის მეორე რაუნდში "ოლდ ტრაფორდზე" გამართული შეხვედრა 3-3 დასრულდა - ერიკ კანტონა, ბრაიან რობსონი და ერთი ავტოგოლი არიან "წითლების" მხრიდან გატანილი გოლების ავტორები. ამ სანახაობრივ მატჩს სტამბოლში უგოლო ფრე მოჰყვა, რამაც სერ ალექს ფერგიუსონის გუნდი ტურნირს გამოთიშა.

"იუნაიტედი" და "გალათასარაი" 1994/95 წლებში ჩემპიონთა ლიგის ჯგუფურ ეტაპზეც შეხვდნენ ერთმანეთს. "ალი სამი იენზე" კიდევ ერთი უგოლო მატჩი შედგა, სახლში კი "წითლებმა" 4-0 იმარჯვეს დევიდ ბექჰემის, საიმონ დევისის, როი კინისა და ავტოგოლის წყალობით.

მომდევნო შეხვედრამდე 8 წელი გავიდა, 2012 წლის სექტემბერში კი მაიკლ კერიკის გოლმა "იუნაიტედს" ჯგუფურ ეტაპზე მნიშვნელოვანი გამარჯვება მოუპოვა. იმ დროს ახალაშენებულ "თურქ ტელეკომ არენაზე" გამართულ მატჩში ფერგიუსონის შეგირდები 1-0 დამარცხდნენ, თუმცა მომდევნო ეტაპზე გასვლა უკვე განაღდებული ჰქონდათ.

"გალათასარაის" კარში გატანილი ყველა გოლის ხილვა შეგიძლიათ ვიდეოკლიპში: