სნეიდერისა და "იუნაიტედის" სახელები კვლავ ერთმანეთს უკავშირდება.
"მანჩესტერ იუნაიტედს" უესლი სნეიდერს იმდენი ხანია უკავშირებენ, რომ ამის დამახსოვრებაც კი რთულია, მაგრამ შესაძლოა, წელს საბოლოოდ შესრულდეს ტრანსფერი.
თურქული გაზეთი
aksam იტყობინება, რომ "გალათასარაიმ" "იუნაიტედს" მარუან ფელაინის ტრანსფერში უესლი სნეიდერი შესთავაზა.
გასულ სეზონში ფელიპე მელოს გაყიდვის შემდეგ თურქული გრანდი ფიზიკურად ძლიერ ნახევარმცველს ეძებს.
"ლომებს" ფინანსურ ფეი-პლეისთან დაკავშირებული პრობლემები აქვთ და ამის გამო სნეიდერთან განშორებას აპირებენ. ჰოლანდიელის გამოსასყიდი თანხა 7.5 მლნ. ევროა.
მედიასაშუალების ცნობით, ტრანსფერში დიდ როლს ითამაშებს ის ფაქტი, რომ მოურინიო და სნეიდერი "ინტერში" ადრე ერთად მუშაობდნენ და წარმატებასაც მიაღწიეს.
სხვა გაზეთი
fanatik კი იტყობინება, რომ ჩემპიონთა ლიგის გამარჯვებულის შეძენა "ევერტონსა" და "ინტერსაც" სურთ.
თავის მხრივ სნეიდერი თურქეთში ბედნიერია და მისი ოჯახიც შეეგუა სტამბოლს. "ინტერიდან" "გალათასარაიში" გადასვლის შემდეგ 32 წლის ნახევარმცველმა ორჯერ მოიგო თურქეთის სუპერ ლიგა, სამჯერ კი თურქეთის თასი. ბოლო სეზონში მან 5 გოლი გაიტანა და 10 საგოლე გადაცემა გააკეთა.
წყარო:
turkish-football