მას შემდეგ რაც "იუნაიტედში" ჟოზე მოურინიო მოვიდა, სხვადასხვა საინფორმაციო წყაროებმა ბლინდის "მანჩესტერული" კარიერა ეჭვქვეშ დააყენეს.
დეილი ბლინდმა გასული სეზონი ცენტრალური მცველის პოზიციაზე ჩაატარა და გუნდის შეუცვლელი ფიგურა გახლდათ, თუმცა ერიკ ბაიის მოსვლამ და "იუნაიტედის" ინტერესმა სხვა მცველების მიმართ, ბლინდის "მანჩესტერული" კარიერა კიდევ უფრო ეჭვქვეშ დააყენა.
ჰოლანდიელმა უნივერსალმა განაცხადა, რომ მზადაა ახალი კამპანიის დასაწყებად.
"მუთმენლად ველი ჟოზე მოურინიოსთან ერთად მუშაობას. ჩვენ უნდა დავიცადოთ და ვნახოთ რა და როგორ შეიცვლება მომავალში ჩემთვის."
"მოურინიო ის მენეჯერია, რომელმაც თავისი კარიერის განმავლობაში ბევრ წარმატებას მაიღწია.
"ჟოზეს არაერთხელ შევხვდი, მაგრამ ჯერ პირადად არ ვიცნობ მას. მაგალითად, მაშინ, როცა მე "აიაქსის" ღირსებას ვიცავდი, თვითონ კი "რეალის" მწვრთნელი იყო. ჩვენი დაპირისპირება ჩემპიონთა ლიგის მატჩში შედგა.
"ვფიქრობ, რომ მოურინიო არის მწვრთნელი, რომელმაც დიდ წარმატებას მიაღწია. მასთან მუშაობის შესაძლებლობით აღელვებული ვარ და მაქსიმუმს გავაკეთებ და ბევრს ვიშრომებ", - ნათქვამია ჰოლანდიელის განცხადებაში.