ზლატან იბრაჰიმოვიჩის აგენტი მინო რაიოლა აღნიშნავს, რომ თავისი კლიენტის თაობაზე "მანჩესტერ იუნაიტედთან" შეთანხმებისთვის არ მიუღწევია.
34 წლის იბრაჰიმოვიჩი, როგორც მოსალოდნელია, "იუნაიტედში" თავის ტრანსფერს უახლოეს დღეებში დაასრულებს. მისი გაფორმება მხოლოდ იმის გამო ფერხდება, რომ ზლატანს პსჟ-სგან ლოიალური ანაზღაურების მიღების იმედი აქვს.
სანამ შეთანხმება ოფიციალურ სახეს მიიღებს, ფეხბურთელის აგენტი უარს ამბობს წინასწარ დადასტურებაზე და აცხადებს, რომ გადაწყვეტილება ჯერ არ მიუღიათ.
"ჯერჯერობით გადაწყვეტილება არ მიგვიღია. ამასთან ახლოს ვართ, მაგრამ ჯერ არ მიგვიღია", - განუცხადა რაიოლამ "რაი სპორტს".