ზლატან იბრაჰიმოვიჩმა "მანჩესტერ იუნაიტედი" გააფრთხილა, რომ მისი შეძენის შემთხვევაში გუნდმა თან უნდა გადაიბიროს შვედის საყვარელი მზარეული.

"წითელი ეშმაკები" 34 წლის ფორვარდის შეძენაში ფავორიტებად ითვლებიან და მას უახლოეს დღეებში ოფიციალურად გაიფორმებენ.

გამომდინარე იქიდან, რომ იბრაჰიმოვიჩი თავისუფალი აგენტია, "იუნაიტედის" ხელმძღვანელობას სხვა კლუბის წარმომადგენლებთან მოლაპარაკებების გამართვა არ მოუწევს, თუმცა პოტენციურ წინაღობად შეიძლება იქცეს სხვა ადამიანი.



იბრაჰიმოვიჩმა თავისი ახალი კლუბი გააფრთხილა, რომ ცნობილი ფრანგი მზარეული ჯოელ რობაჩონი მასთან ერთად წავა ნებისმიერ ადგილას.

"პარიზიდან ჩემს მზარეულს იქ წავიყვან, სადაც წავალ", - დაწერა თავდამსხმელმა თავისი ფოტოს კომენტარად, რომელიც "ინსტაგრამზე" გამოაქვეყნა.

71 წლის ჯოელს უფრო მეტი "მიშელინის" ვარსკვლავი აქვს მიღებული, ვიდრე ნებისმიერ სხვას მსოფლიოში და 1989 წელს საუკუნის მზარეულად დასახელდა. გასაკვირი არ არის, რომ იბრაჰიმოვიჩს მისი თან წაყვანა სურს.

წყარო: goal.com