რაიან გიგზის მომავალი "მანჩესტერ იუნაიტედში" კიდევ უფრო დიდი ეჭვის ქვეშ დადგა, რამეთუ მან ITV-ზე ევროპის ჩემპიონატის ექსპერტად დაიწყო მუშაობა.
42 წლის უელსელი "იუნაიტედის" ოფიციალურ საიტზე ჯერ კიდევ მთავარი მწვრთნელის ასისტენტად არის მითითებული, თუმცა ლუი ვან გაალის გაძევების შემდეგ მის შესახებ ოფიციალური ცნობები არ გავრცელებულა.
მოურინიო გიგზთან მუშაობას არ აპირებს და მის ნაცვლად რუი ფარიას გადაიბირებს "ოლდ ტრაფორდზე", ხოლო სანამ გიგზის მომავალი გაირკვევა, იგი საფრანგეთში მიმდინარე ევროპის ჩემპიონატზე ექსპერტად იმუშავებს.
ITV-ს განცხადება: "რაიან გიგზი ITV-ს ევროპის ჩემპიონატის მეოთხედფინალური ეტაპიდან შეუერთდება.
რაიანი ექსპერტად იმუშავებს ITV-ს პარიზში მდებარე სტუდიაში და ამაში დახმარებას გაუწევენ მარკ პუგეტი, ლი დიქსონი და იან ვრაითი სხვებთან ერთად. მისი პირველი შეხვედრა ITV-ს პირდაპირ ეთერში პორტუგალიისა და პოლონეთის დაპირისპირდება იქნება ხუთშაბათს."