"მანჩესტერ იუნაიტედს", შესაძლოა წინასწარი გარიგება ჰქონდეს "ვალენსიას" პორტუგალიელ ნახევარმცველთან.
იტალიური გამომცემლობა Tuttosport-ი იუწყება, რომ "მანჩესტერ იუნაიტედი" დაიღალა პოლ პოგბასთვის ბრძოლაში და ინგლისური გრანდი ანდრე გომეშზე გადაერთო.
პოლ პოგბა ჟოზე მოურინიოს N1 სამიზნეა, თუმცა "იუვენტუსი" არანაირი ფასის სანაცვლოდ არ აპირებს თავიანთი ლიდერის გაყიდვას.
Tuttosport-ი აცხადებს, რომ "იუვენტუსი" აქტიურად ცდილობდა, ანდრე გომეშის შეძემას, მაგრამ "ბებერმა ქალბატონმა" განზრახვაზე ხელი აიღო. იტალიურმა გრანდმა "ვალენსიას" 31 მილიონიანი წინადადებით მიმართა, მაგრამ ტრანსფერი არ განხორციელდა და ეს შესაძლოა იმას ნიშნავდეს, რომ გომეშს "ოლდ ტრაფორდის" მკვიდრებთან წინასწარი შეთანხმება აქვს.
პორტუგალიელ ფეხბურთელსა და "იუნაიტედის" მთავარ მწვრთნელ ჟოზე მოურინიოს ერთი და იგივე აგენტი ჟორჟე მენდეში ჰყავთ.