"მანჩესტერ იუნაიტედი" "ვალენსიას" ახალგაზრდა თავდამსხმელით, ფერჰატ კოგალანით ინტერესდება.
"ოლდ ტრაფორდის" მკვიდრმა კლუბმა 14 წლის ფორვარდი ოთხშაბათს მანჩესტერში სინჯებზე მიიწვია და ფერჰატი კარინგტონის სავარჯიშო კომპლექსზე მამასა და აგენტთან ერთად ჩავიდა.
კოგალანი სხვადასხვა ახალგაზრდულ ტურნირზე თავის გამოჩენის გამო ბოლო ორი წლის განმავლობაში ისეთი კლუბების სამიზნე იყო, როგორებიც "იუნაიტედი", "არსენალი", "იუვენტუსი" და დორტმუნდის "ბორუსია" არიან.
"ვალენსიას" ახალგაზრდული სისტემის სხვადასხვა გუნდში თამაშისას მან 22 გოლი გაიტანა და 30 საგოლე გადაცემა გააკეთა, მის ინტერესებს კი ჰაბიბ ანტარი, იგივე აგენტი წარმოადგენს, ვინც სოფიან ფეგულის "ვესტ ჰემში" გადასვლას შეუწყო ხელი.
ფერჰატის მამა სედათი აცხადებს: "არ ვჩქარობთ, რადგან ფერჰატს "ვალენსიასთან" 2021 წლამდე აქვს კონტრაქტი.
მაგრამ, როცა "მანჩესტერ იუნაიტედის" მსგავსი კლუბი გეპატიჟება, ლოგიკურია პირობების შესწავლა, არა?