"წითელმა ეშმაკებმა" იულიან დრაქსლერისადმი ინტერესი შეთავაზების გაკეთებით დაადასტურეს, თუმცა დრაქსლერთან მოლაპარაკებები მხოლოდ იმ შემთხვევაში დაიწყება, თუ "იუნაიტედი" ვერ შეათანხმებს ტრანსფერს "დორტმუნდთან" ჰენრიხ მხითარიანის თაობაზე.

"მანჩესტერ იუნაიტედი" მზადაა 30 მილიონი გადაიხადოს "ვოლფსბურგის" შემტევისათვის, იულიან დრაქსლერისათვის - იტყობინება Daily Star.

ჟოზე მოურინიო სატრანსფერო ბაზარზე, ეძებს შემტევ ნახევარმცველს და ამჟამად მოლაპარაკებებს აწარმოებს დორტმუნდის "ბორუსიასთან", რათა ჰენრიხ მხითარიანი შეიძინოს.

იმ შემთხვევაში თუ შეთანხმება ვერ მიიღწევა დორტმუნდულ კლუბთან, "წითელი ეშმაკები" 22 წლის დრაქსლერის გადაბირებას შეეცდებიან. თუმცა თავად "ვოლფსბურგის" ხელმძღვანელობას არ სურს თავიანთი გუნდის ლიდერის გაყიდვა და მის შესანარჩუნებლად ძალ-ღონეს არ დაიშურებენ.

წყარო: goal.com