"მანჩესტერ იუნაიტედში" გატარებული არაერთგვაროვანი სეზონის შემდეგ მატეო დარმიანმა შეიძლება "ოლდ ტრაფორდი" დატოვოს, მას კი თავის რიგებში "ბარსელონა" ეპატიჟება.

"ტორინოს" ყოფილი ფეხბურთელი და იტალიის ნაკრების რეგულარული წევრი ლუი ვან გაალმა პრემიერ ლიგაში "წითელი ეშმაკების" შემადგენლობაში გადაიყვანა, მაგრამ "წითლების" ახალ მწვრთნელ ჟოზე მოურინიოს იტალიელი მცველი თავისი გუნდისთვის საჭირო ფეხბურთელად არ მიაჩნია.

Daily Star-მა გაავრცელა ინფორმაცია იმის შესახებ, რომ "ბარსელონას" სპორტული დირექტორი არიედო ბრაიდა თავის კლუბს დარმიანისთვის 20 მლნ. ევროს გადახდისკენ მოუწოდებს. ბრაიდა დარმიანს ჯერ კიდევ "მილანიდან" იცნობს. მატეო სწორედ "მილანის" აკადემიის აღზრდილია.

"ბლაუგრანა" მარჯვენა მცველს საჭიროებს, რადგანაც დანი ალვეშმა "კამპ ნოუ" დატოვა და კატალონიელები მხოლოდ ალეიქს ვიდალის ამარა დარჩნენ. თუმცა, ზოგიერთი გაზეთი იმასაც იტყობინება, რომ ესპანეთის ჩემპიონები ვიდალის არჩევანს სერხი რობერტოსაც შემატებენ და ასეთი ვითარებით კმაყოფილნი არიან.

წყარო: gazzettadelosport