ისლანდიის ნაკრების კაპიტანი არონ გუნარსონი აცხადებს, რომ ინგლისის ნაკრებთან მატჩი მისთვის უმნიშვნელოვანესი იქნება, რადგანაც თავისი საყვარელი გუნდის, "მანჩესტერ იუნაიტედის" ფეხბურთელებს დაუპირისპირდება.

"კარდიფ სიტის" ნახევარმცველის გუნდმა თავისი საფეხბურთო ისტორიის განმავლობაში საუკეთესო შედეგს მიაღწია და ევროპის ჩემპიონატის 1/8 ფინალში გავიდა, სადაც "სამ ლომს" დაუპირისპირდება.

გუნარსონი: "კარგი მომენტი იქნება, რადგან მე "მანჩესტერ იუნაიტედის" გულშემატკივარი ვარ. კიდევ ერთი ზღაპარი იქნება, თუმცა ყველა ისლანდიელი უყურებს პრემიერ ლიგას და მხარს უჭერს ინგლისურ ფეხბურთს.

სამშობლოში ყველა იცნობს ინგლისელ ფეხბურთელებს, მათ სტილს და იმედი გვაქვს, მათ უნარებს მინიმუმამდე დავაქვეითებთ.

ეს არის ჩვენი ოცნება, ეს არის ჩვენი საგანძური, რომლის შენარჩუნებაც ფეხბურთელებს მთელი დარჩენილი ცხოვრებისთვის სურთ. ჩვენი მიზანი 1/8 ფინალში გასვლა იყო, ახლა კი ახალ მიზანს ვისახავთ.

ორშაბათს ინგლისთან მატჩი რთული იქნება, რადგანაც ისინი ტურნირზე კარგად გამოიყურებიან და გუნდში დაუჯერებელი ხარისხი აქვთ. როტაციას ხშირად მიმართავდნენ, ასე რომ, კიდევ ერთი ბრძოლა გველის".

წყარო: mirror