"მანცესტერ იუნაიტედმა" ჰენრიხ მხითარიანის ტრანსფერისთვის შეთავაზებული თანხა 28 მლნ. ფუნტამდე გაზარდა.

"წითლების" მხრიდან ეს უკვე მეორე შეთავაზებაა და თანხა მხოლოდ 3 მილიონით არის ნაკლები მხითარიანის კონტრაქტში დაწერილ გამოსასყიდ 31 მლნ. ფუნტზე. "იუნაიტედის" პირველი შეთავაზება 19 მლნ. ფუნტს უდრიდა, მაგრამ ბუნდესლიგის მკვიდრებმა ის არ მიიღეს.

27 წლის სომეხი ფეხბურთელი მოურინიოს ერთ-ერთ უმთავრეს სატრანსფერო სამიზნეს წარმოადგენს და მასთან მოლაპარაკებები დიდი ხანია მიმდინარეობს. მოლაპარაკებების თვილთმხილველი პირი აცხადებს, რომ მხითარიანი ახალ შეთავაზებაზე თანახმაა და "ოლდ ტრაფორდზე" გადასვლა სურს.

სამწლიანი უტიტულობისა და ჩემპიონთა ლიგაზე მეორედ არყოფნის შემდეგ "წითელი ეშმაკები" კლუბში წარმატების დაბრუნებას ესწრაფვიან. მაღალჩინოსნები ასევე გასული სამი ზაფხულის შეცდომებზე ისწავლიან და ამჯერად უფრო რეალურ სატრანსფერო სამიზნეებს დაადგამენ თვალს ნაცვლად იმისა, რომ ვარსკვლავების შეძენა სცადონ და საბოლოოდ ახალწვეულის გარეშე დარჩნენ.

სწორედ ასეთ სამიზნედ ესახება კლუბის ხელმძღვანელობას ჰენრიხ მხითარიანი, რომელმაც გასულ სეზონში ჩატარებულ 32 მატჩში 23 გოლი გაიტანა და "ბორუსიასთან" ერთწლიანი კონტრაქტი აკავშირებს.

გერმანული კლუბის ხელმძღვანელობამ აღნიშნა, რომ მხითარიანთან განშორებას არ აპირებს, მას კონტრაქტს სრულად ამოაწურვინებს და ამის შემდეგ უფასოდ გაშვებაზეც თანახმა იქნება, რადგან "ბორუსიამ" თავისი წამყვანი ფეხბურთელები უკვე დაკარგა და კიდევ ერთ ლიდერთან განშორება არ სურს. თუმცა "იუნაიტედის" 28-მილიონიანი შეთავაზება და ამას დამატებული ბონუსები იმდენად სარფიანი წინადადებაა, რომ მათ დაფიქრება მოუწევთ.

რაც შეეხება ფეხბურთელის პოზიციას, მისმა აგენტმა მინო რაიოლამ აღნიშნა, რომ მხითარიანი "იუნაიტედში" თამაშზე ოცნებობს.

წყარო: mirror