ესპანური გამოცემა AS იტყობინება, რომ "მანჩესტერ იუნაიტედი" დაინტერესებულია "ჩელსის" მცველით, სესარ ასპილკუეტათი.

მედიის ცნობით, ბილბაოს "ატლეტიკი" და "პარი სენ-ჟერმენიც" ინტერესდებიან ესპანელი მცველით, ხოლო "ჩელსი" მასში მხოლოდ 15 მლნ. ევროს მოითხოვს.

ასპილიკუეტა ორი წლის წინ მნიშვნელოვან როლს თამაშობდა იმ "ჩელსის" რიგებში, რომელმაც ჟოზე მოურინიოს მეორედ მისვლის შემდეგ პრემიერ ლიგის ტიტული მოიგო და პორტუგალიელს მარცხენა მცველის შეძენა უკვე "ოლდ ტრაფორდზე" სურს.

მაგრამ "ატლეტიკს" მიაჩნია, რომ 26 წლის ფეხბურთელის გადაბირების დიდი შანსი აქვს, რადგანაც ბასკური კლუბი სესარს თავის მეგობრებთან, მიკელ სან ხოსესა და რაულ გარსიასთან ერთად თამაშის შესაძლებლობას მისცემს.

ამავდროულად, პსჟ გრეგორი ვან დერ ვილის წასვლისა და სერჟ ორიეს შესაძლო წასვლის ფონზე მცველის დამატებას ცდილობს.