იტალიური "პალერმოს" 27 წლის შემტევმა ნახევარმცველმა, ფრანკო ვასკესმა კვლავ შესანიშნავი სეზონი ჩაატარა, თავი კი 8 გატანილი ბურთითა და 7 საგოლე გადაცემით გამოიჩინა, რამაც ევროპის ტოპ კლუბების ყურადღება მიიპყრო.

იტალიური გამოცემის, Corriere dello Sport-ის განცხადებით, "მანჩესტერ იუნაიტედის" ახალი მთავარი მწვრთნელი ჟოზე მოურინიო ერთ-ერთია იმ მწვრთნელთაგან, რომელთაც იტალიელი ნახევარმცველის შეძენა სურთ. პორტუგალიელი სპეციალისტი მის "ოლდ ტრაფორდზე" გადაბირებას გეგმავს.

"პალერმოს" პრეზიდენტმა მაურისიო ზამპარინიმ კი განაცხადა, რომ ფეხბურთელი ამ ზაფხულს გაიყიდება.

"ჩვენ არ ვაპირებთ ვასკესის კლუბში დატოვებას" - აცხადებს ზამპარინი იტალიურ რადიო Kiss Kiss Napoli-სთან ინტერვიუში.

"ამჟამად მასთან დაკავშირებით მოლაპარაკებებს მსოფლიოს სხვადასხვა კლუბთან ვაწარმოებთ"

"იუნაიტედის" გარდა, იტალიელი ფეხბურთელით ჩემპიონთა ლიგის შვიდ გზის გამარჯვებული "მილანი" და ლონდონის "ტოტენჰემი" ინტერესდება.



express.co.uk