ინგლისის ნაკრების მთავარი მწვრთნელი როი ჰოჯსონი აცხადებს, რომ ევროპის ჩემპიონატზე წასაყვანი ფეხბურთელის არჩევანი "მანჩესტერ იუნაიტედiს" ფორვარდს, მარკუს რეშფორდსა და "ლესტერ სიტის" ნახევარმცველს, დენი დრინქუოტერს შორის გააკეთა.

პრემიერ ლიგის ჩემპიონის ნაკრებს მიღმა დატოვების გადაწყვეტილებამ არაერთი მითქმა-მოთქმა და აზრი გამოიწვია. თავისი პოზიცია კი ჰოჯსონმა არგუმენტით დაიცვა.

"ასეთი გადაწყვეტილების მიღება გამიჭირდა. საკითხი შემდეგნაირად იდგა: შემადგენლობაში შემეყვანა დამატებითი თავდამსხმელი თუ ნახევარმცველი? სწორედ ასე მოხვდა რეშფორდი გუნდში.

ჩვენთვის სათამაშო ბალანსი არანაკლებ მნიშვნელოვანია, მაგრამ ამ შემადგენლობით, ვფიქრობ, მას მივაღწევთ. მთელმა გუნდმა უნდა დაიცვას თავი უბურთოდ, მხოლოდ ოთხ მცველსა და ერთ მეკარეს ვერ დავეყრდნობით", - განაცხადა ჰოჯსონმა.