დორტმუნდის "ბორუსიას" ნახევარმცველი მარკო როისი ევროპის ჩემპიონატზე ვერ ითამაშებს, მაგრამ გერმანელებს დაეხმარება "მანჩესტერ იუნაიტედის" ნახევარმცველი ბასტიან შვაინშტაიგერი.

27 წლის როისმა ტრავმის გამო უკვე გამოტოვა დიდი სანაკრებო ტურნირი, როცა 2014 წლის მსოფლიო ჩემპიონატზე ვერ ითამაშა, ახლა კი ევროპის ჩემპიონატს დააკლდება.

მისი 31 წლის კოლეგა ბასტიან შვაინშტაიგერი კი "ბუნდეს მანდშაფტის" რიგებშია, მიუხედავად იმისა, რომ ტრავმა ჰქონდა.

როისის გარდა გერმანელებს დააკლდებათ იულიან ბრანდტი, კარიმ ბელარაბი და სებასტიან რუდი.

გერმანიის ნაკრების საბოლოო განაცხადი:

მეკარეები: მანუელ ნოიერი ("ბაიერნი"), ბერნდ ლენო ("ბაიერი"), მარკ-ანდრე ტერ შტეგენი ("ბარსელონა").

მცველები: ჯერომ ბოატენგი ("ბაიერნი"), ემრე ჯანი ("ლივერპული"), იონას ჰექტორი ("კიოლნი"), ბენედიქტ ჰიოვედესი ("შალკე"), მატს ჰუმელსი ("ბორუსია დორტმუნდი"), შკოდრან მუსტაფი ("ვალენსია"), ანტონიო რიუდიგერი ("რომა").

ნახევარმცველები: იულიან დრაქსლერი ("ვოლფსბურგი"), სამი ხედირა ("იუვენტუსი"), ჯოშუა კიმიხი ("ბაიერნი"), ტონი კროოსი ("რეალი"), ტომაშ მიულერი ("ბაიერნი"), მესუთ ოზილი ("არსენალი"), ლუკაშ პოდოლსკი ("გალათასარაი"), ანდრე შურლე ("ვოლფსბურგი"), ბასტიან შვაინშტაიგერი ("მანჩესტერ იუნაიტედი"), იულიან ვეილი ("ბორუსია დორტმუნდი").

თავდამსხმელები: მარიო გომესი ("ბეშიქთაში"), მარიო გიოტცე ("ბაიერნი"), ლეროი სანე ("შალკე").