შემადგენლობა
"მანჩესტერ იუნაიტედის" მთავარმა მწვრთნელმა სერ ალექს ფერგიუსონმა განაცხადა,რომ "ლივერპულთან" მატჩისთვის მზად იქნებიან ანდერსონი და ლუიშ ნანი ხოლო რაც შეეხება ფილ ჯოუნსა და უეინ რუნის ისინი თასის განმეორებით მატჩისთვის მზად იქნებიან "ვესტ ჰემის" წინააღმდეგ.

"უეინ რუნიმ უკვე განაახლა ვარჯიში და იმედი მაქვს ის შეძლებს მალე დაბრუნებას.მას არ აქვს მძიმე ტრავმა და შესაძლოა ის "ვესტ ჰემის" წინააღდეგ ვიხილოთ.რუნი ჩვენთვის ძალიან დიდ ძალას წარმოადგენს ამიტომ ის ნამდვილად დაგვაკლდება "ლივერპულთან" მატჩში."

"ნანიმ უკვე სრული დატვირთვით განაახლა ვარჯიში და ის უკვე მზად იქნება კვირას "ლივერპულთან" მატჩისთვის.ასევე ვარჯიში განაახლა ფილ ჯოუნსმა,მაგრამ ის ჩვენ ოთხშაბათს "ვესტ ჰემის" წინააღმდეგ დაბრუნდება.ანდერსონი უკვე სრულ მზად ყოფნაში არის საკვირაო მატჩისთვის და შესაძლოა ის სასტარტო შემადგენლობაში ვიხილოთ.არ ვიცი რამდენ ხანს გაგრძელდება ეს ტრავმები,მაგრამ სასიხარულოა,რომ რამდენიმე წამყვანმა ფეხბურთელმა ვარჯიში განაახლა."

რობინ ვან პერსი
შოტლანდიელი სპეციალისტი აცხადებს,რომ რობინ ვან პერსიმ უკვე თავისი შესაძლებლობები გვაჩვენა,მაგრამ მას ჯერ კიდევ ყველაფერი წინ აქვს.

"რობინ ვან პერსი ყველაფერს აკეთებს გუნდისათვის და სწორედ ეს არის დასაფასებელი მასში.ზოგი თვლის,რომ მან უკვე გაჩვენა თავისი შესაძლებლობები,მაგრამ მე დარწმუნებული ვარ,რომ მას უფრო მეტი შეუძლია.ჩვენ ეხლა გვყავს მსოფლიო კლასის ფორვარდი და მას გონივრულად ვიყენებთ.ის ძალიან მნიშვნელოვანი ფეხბურთელი გახდა ჩვენთვის."

"გასულ სეზონში,როდესაც ის "არსენალის" ფეხბურთელი იყო გახდა პრემიერ ლიგის ბომბარდირი და იმედი მაქვს ის წელსაც მოახერხებს ამ პრიზის მოპოვებას,მაგრამ უკვე "მანჩესტერ იუნაიტედის" რიგებში,როდესაც მისი ჩვენთან გადმოსლა გადაწყდა ყველას ეგონა,რომ ვერაფერს მიაღწევდა,მაგრამ მან ყველას აჩვენა თავისი შესაძლებლობები.ზუსტად ასე იყო უეინ რუნის ტრანფერის დროს ბევრი მითქმა-მოთქმა იყო,მაგრამ ყველა ეს ადმიანი რუნიმ თავისი სადებიუტო მატჩით გააჩუმა."

სერ ალექს ფერგიუსონმა ასევე ისაუბრა "ლივერპულის" ფორვარდზე ლუის სუარესზე,რომელიც ამჟამად ძალიან კარგ ფორმაში იმყოფება.

"ჩვენ ყოველთვის სერიოზულად ვანალიზებთ ჩვენი მოწინააღდეგის თამაშს.ჩემი აზრით "ლივერპულის" მთავარი მამოძრავებელი ძალა სწორედ სუარესია.ჩვენ ყოველთვის ვცდილობთ ჩვენს მოწინააღმდეგეზე საკმარისზე მეტი ინფრომაცია მოვიპოვოთ და სწორედ ამ ინფორმაციის ხარჯზე ვაპირებთ სუარესის განეიტრალებას."

ტრანსფერები
"ჯერ-ჯერობით გეგმაში არაფერი არ გვაქვს და წინასწარ არაფრის თქმის უფლება არ გვაქვს.ფანებს ყოველთვის უნდათ ახალი მოთამაშე გუნდში,მაგრამ ამ ეტაპისთვის ვერაფერს დაგპირდებით."