"მანჩესტერ იუნაიტედის" ქართულმა ფან-კლუბმა კვლავ გადაწყვიტა მნიშვნელოვანი როლი იკისროს ინგლისის ნაკრების გულშემატკივრებისთვის საინფორმაციო ვებგვერდისა და ფან-კლუბის ჩამოყალიბების გზით. გასული მსოფლიო ჩემპიონატის მსგავსად, ინგლისური ფეხბურთის მოყვარულებს კვლავ შეეძლებათ ჩვენი საიტის, england.manutd.ge-ის გამოყენება.

england.manutd.ge წარმოადგენს საიტის განახლებულ ვერსიას, სადაც ყოველდღიურად გამოქვეყნდება ახალი ამბები, სტატიები, ინტერვიუები, მატჩის მულტიმედიური მასალა და, რაც მთავარია, სიახლეები ფან-კლუბის სამომავლო გეგმებთან დაკავშირებით.
ვებგვერდი ორი დომეინით სარგებლობს. საიტზე შესასვლელად შეგიძლიათ გამოიყენოთ მისამართი: england.redarmy.ge

საიტზე სიახლეების გამოქვეყნებისა და "მწერლის" სტატუსის სურვილის შემთხვევაში მზად ვართ, განვიხილოთ თქვენი კანდიდატურა. გამოცდილებისა და ჩვენი მოთხოვნების დაკმაყოფილების შემთხვევაში მზად ვართ,ფან-კლუბის ფეისბუქ გვერდზეც შემოგთავაზოთ Editor.

რაც შეეხება ფან-კლუბის შეკრებებსა და სამომავლო გეგმებს, მიმდინარეობს მოლაპარაკებები სხვადასხვა ფან-კლუბებთან და კომპანიებთან. კონკრეტულ ინფორმაციას უახლოეს მომავალში მოგაწვდით. ჩვენი დიდი სურვილია ინგლისის პრემიერ ლიგის კლუბების ქართული ფან-კლუბების კიდევ ერთხელ გაერთიანება ინგლისის ნაკრების საგულშემატკივროდ, სადაც ბუნებრივია, ჩვენი მხრიდან, გამორიცხული იქნება სუბიექტური მიდგომა ფან-კლუბში მიმდინარე პროცესების მიმართ და ყველა ვისარგებლებთ თანაბარი უფლებებით.

მანამდე კი შეგიძლიათ გადახედოთ ჩვენი ბოლო შეკრების ფოტოებს: http://england.redarmy.ge/სიახლეები/ფან–კლუბის-შეკრება-ფოტომასალა

ფან-კლუბი გაიხსნა! დაწვრილებითი ინფორმაცია იხილეთ ბმულზე: http://manutd.ge/17436

მადლობას გიხდით ყურადღებისთვისა და მოთმინებისთვის
პატივისცემით,
საიტის ადმინისტრაცია