27 მაისს ინგლისის ნაკრები ამხანაგურ შეხვედრაში ავსტრალიას დაუპირისპირდა. მატჩის პირველი გოლი მე-3 წუთზე გავიდა, თავი კი "მანჩესტერ იუნაიტედის" თავდამსხმელმა, მარკუს რეშფორდმა გამოიჩინა.

აღსანიშნავია, რომ რეშფორდი ინგლისური ფეხბურთის ისტორიაში ყველაზე ახალგაზრდა (18 წლისა და 208 დღის) მოთამაშე გახდა, რომელმაც გოლის გატანა ეროვნულ ნაკრებში ჩატარებულ პირველივე მატჩში მოახერხა. ამ სეზონში რეშფორდმა 5 რეკორდის დამყარება შეძლო.

1) დუბლი გოლი სადებიუტო შეხვედრაში (ევროპა ლიგაზე).
2) ყველაზე ახალგაზრდა გოლის ავტორი მანჩესტერულ დერბიში ("მანჩესტერ სიტი").
3) სადებიუტო მატჩში გატანილი გოლის ყველაზე ახალგაზრდა ავტორი ნაკრებში (18 წელი 208 დღე).
4) ყველაზე სწრაფი სადებიუტო გოლი ნაკრებში (3 წუთზე).
5) ყველაზე ახალგაზრდა რეკორდსმენი რაოდენობით (5 რეკორდი 18 წელში).

წყარო:Goal.com