UEFA-მ "მანჩესტერ იუნაიტედი" და "ლივერპული" დასაჯა იმის გამო, რომ კლუბების გულშემატკივრებმა ევროპის ლიგის 1/8 ფინალურ შეხვედრაში დაუშვებელი ჩანტები გააჟღერეს.

ორივე გუნდი 40 ათასი ევროთი (30, 577 ფუნტი) დაისაჯა, ხოლო დამატებით "ლივერპულს" 17 ათასი ევროსა (£12,995) და "იუნაიტედს" 18 ათასი ევროს (£13,760) ოდენობის ფულადი ჯარიმა დააკისრეს სხვა ინციდენტების გამო.

ინციდენტი, რომელიც "ენფილდზე" და "ოლდ ტრაფორდზე" ერთკვირიან შუალედში მოხდა, ერთმანეთისადმი საგნების სროლასაც შეიცავდა.

"ლივერპული" დაისაჯა იმის გამოც, რომ გულშემატკივრებმა სტადიონზე ფეიერვერკები გაუშვეს, ხოლო "იუნაიტედი" იმის გამო, რომ ფანებმა გასასვლელი კიბეები გადაკეტეს.

"ლივერპული" ინციდენტიდან 30 დღის განმავლობაში უნდა დაკავშირებოდა "იუნაიტედს", რათა მისი გულშემატკივრების მიერ მიყენებული ზარალი აენაზღაურებინა.

წყარო: skysports