გერმანიის ნაკრების მთავარმა მწვრთნელმა იოახიმ ლიოვმა იმედი გამოთქვა, რომ ბასტიან შვაინშტაიგერი ევროპის ჩემპიონატისთვის ფორმაში ჩადგება.

ეროვნული ნაკრების კაპიტანმა თავის კარიერაში შეიძლება პირველად გამოტოვოს დიდი საერთაშორისო ტურნირი. ამის მიზეზი კი შეიძლება გახდეს ტრავმა, რომელიც მან წინა სანაკრებო შესვენებაზე მიიღო. ბასტიანს "იუნაიტედის" რიგებში მატჩი 29 იანვრის შემდეგ არ ჩაუტარებია.

მიუხედავად ამისა, ლიოვმა იგი 27-კაციან განაცხადში შეიყვანა, რადგანაც მწვრთნელს იმედი აქვს, რომ მისი კაპიტანი თამაშს შეძლებს.

"შვაინშტაიგერი ჩვენი კაპიტანია და, რა თქმა უნდა, აქ არის.

მას ტრავმა ჰქონდა, მაგრამ სირბილი უკვე შეუძლია და მას ყოველდღიურად ვეხმიანებით, რათა გავიგოთ, შეძლებს თუ არა მომდევნო კვირას ჩვენთან ერთად ყოფნას.

თუმცა ის ჩვენი კაპიტანია და ეს ჯერ განსახილველიც კი არ არის. თუ ვერ შეძლებს, მაშინ გადავწყვეტთ რა გავაკეთოთ", - განაცხადა ლიოვმა.

წყარო: M.E.N.