ინგლისის ნაკრებში მარკუს რეშფორდის გამოძახების შემდეგ როი ჰოჯსონმა განაცხადა, რომ შემადგენლობის შერჩევისას უეინ რუნის რჩევას არ ეკითხება.

18 წლის რეშფორდი 26-კაციან წინასწარ განაცხადში ხუთიდან ერთ-ერთი თავდამსხმელია და ამან ჟურნალისტებში ეჭვი გააჩინა, რომ მწვრთნელის არჩევანზე კაპიტანმა იქონია გავლენა, თუმცა ჰოჯსონი ამას კატეგორიულად უარყოფს.

"შემადგენლობის შერჩევისას რჩევას უეინ რუნის არ ვეკითხები, ეს არასწორი იქნებოდა.

მისი პასუხისმგებლობა მოთამაშის, კაპიტნის ფუნქციებში მდგომარეობს. არ ვაპირებ მის ჩარევას იმაში, თუ ვის ავირჩევ.

მე, რეი ლიუინგტონი და გარი ნევილი ფეხბურთს ხშირად ვუყურებთ, ამიტომაც არ არის მეოთხე კაცის ჩარევა საჭირო", - განაცხადა "სამ ლომთა" მწვრთნელმა.

ჰოჯსონმა ასევე აღნიშნა, რომ რუნის ინგლისის ნაკრების სასტარტო შემადგენლობაში ადგილი გარანტირებული არ აქვს.

"უეინ რუნი კაპიტანია და ფანტასტიკური სამუშაო გასწია - 109 მატჩი და 51 გოლი - ბევრი ფეხბურთელი ვერ აღწევს ასეთ წარმატებას. მოხარულები ვართ, რომ ჩვენს რიგებში საკვალიფიკაციო ეტაპზე გოლებს იტანდა.

შემადგენლობა თურქეთის, პორტუგალიისა და ავსტრალიის ნაკრებების წინააღმდეგ უნდა შევარჩიო. რუნი მნიშვნელოვანი მოთამაშეა, მაგრამ არავინ იცის, რა მოხდება ამ მატჩებში.

ჩემთვის მას გარანტირებული არ აქვს ევროპის ჩემპიონატის სასტარტო მატჩებში მოხვედრა და არც ზეწოლის ქვეშ აღმოვჩნდები, თუ საწყის მატჩებში არ ვათამაშებ, სანამ კონკრეტული დავალებისთვის შესაფერის ადამიანად არ მივიჩნევ".

წყარო: goal.com