ცნობილმა გამოცემა goal.com-მა შეადგინა ევროპის ყველაზე ცუდი გუნდი, რომელიც დაკომპლექტებულია იმ ფეხბურთელებით, რომელთაც თავიანთ კლუბებში იმედები ვერ გაამართლეს.

სიმბოლურ გუნდში შესულია 9 სხვადასხვა გუნდის წარმომადგენელი, მათ შორის კი პრემიერ ლიგის ფეხბურთელები ჭარბობენ. ინგლისის ჩემპიონატს სულ ხუთი წარმომადგენელი ჰყავს, რომელთა შორის "მანჩესტერ იუნაიტედის" ორი მოთამაშე მოხვდა, ამდენივე "ჩელსიდან" და ერთი აწ უკვე ჩემპიონშიპის გუნდიდან, "ასტონ ვილადან".

დანარჩენ 6 ფეხბურთელს კი 6 სხვადასხვა გუნდის მოთამაშე წარმოადგენს: "მილანი", "რომა", "ბეტისი", "მარსელი", "ვალენსია" და "რეალი".

ევროპის ყველაზე ცუდი გუნდის შემადგენლობა:

მეკარე: ვიქტორ ვალდესი ("მანჩესტერ იუნაიტედი")

მცველები: დანილო (მადრიდის "რეალი"), აიმენ აბდენური ("ვალენსია"), მიკა რიჩარდსი ("ასტონ ვილა")

ნახევარმცველები: მემფის დეპაი ("მანჩესტერ იუნაიტედი"), ლუკას სილვა ("მარსელი"), რაფაელ ვან დერ ვაარტი ("ბეტისი"), ედენ აზარი ("ჩელსი")

თავდამსხმელები: მარიო ბალოტელი ("მილანი"), ედინ ჯეკო ("რომა"), რადამელ ფალკაო ("ჩელსი")