მოგეხსენებათ, რომ წინა ზაფხულს მადრიდის "რეალი" აქტიურად ცდილობდა "მანჩესტერ იუნაიტედის" ესპანელი კარის დარაჯის, დავიდ დე ხეას მადრიდში გადაბირებას, თუმცა ტრანსფერი საბოლოოდ ჩაიშალა.
ცნობილია ისიც, რომ მადრიდელები დე ხეას კონტრაქტთან დაკავშირებითაც შეუთანხმდნენ. წყაროების ცნობით, "იუნაიტედის" მეკარე 6 წლიან კონტრაქტზე დათანხმდა, რომლის მიხედვითაც იგი საბოლოოდ £54.6 მილიონს გამოიმუშავებდა.
საბოლოოდ კი ისე მოხდა, რომ ტრანსფერი ჩაიშალა და დე ხეამ "იუნაიტედთან" ახალი კონტრაქტი გააფორმა.
მიუხედავად ამისა, მადრიდის "რეალის" პრეზიდენტ ფლორენტინო პერესს უარი არ უთქვამს საკუთარი სურვილის ასრულებაზე და იგი კვლავ ეცდება ესპანელის ხელში ჩაგდებას.
დე ხეა კოსტარიკელ კეილორ ნავასს ჩაანაცვლებს, რომელიც ამ სეზონში ზინედინ ზიდანის რჩეულია. მიუხედავად ამისა, კლუბის მხარდამჭერთა უმეტესობა მაინც დე ხეას ტრანსფერს უჭერს მხარს.