"მანჩესტერ იუნაიტედის" მთავარმა მწვრთნელმა ლუი ვან გაალმა განაცხადა, რომ შესაძლოა როტაციას მიმართოს, რადგანაც ოთხი დღის შუალედში ორი გასვლითი მატჩის ჩატარება უხდება, მოგვიანებით კი ინგლისის თასის ფინალიც ახლოვდება.

"ნორვიჩთან" მატჩში "მანჩესტერ იუნაიტედს" ნამდვილად ვერ დაეხმარება მარუან ფელაინი, რომელმაც სამმატჩიანი დისკვალიფიკაცია მიიღო,

გუნდის დანარჩენ პრობლემას კი სულ რამდენიმე ტრავმირებული ფეხბურთელი და ფიტნეს ფაქტორები წარმოდგენს.

"ფეხბურთელთა გადაღლილობა უნდა გავითვალისწინოთ, რადგან ბევრი მატჩი გვაქვს, ამიტომაც შეიძლება როტაციას მივმართო.

ფელაინი დისკვალიფიცირებულია, ე. ი. სასტარტო შემადგენლობის შეცვლა მომიწევს. ყოველ კვირას გვაქვს რაღაც, რაც არ მოგვწონს, მაგრამ მგონია, რომ ამას გავუმკლავდებით", - განაცხადა ვან გაალმა.

ჰოლანდიელმა სურვილი გამოთქვა, მისი გუნდი ერთი და იმავე შემადგენლობით ხშირად ათამაშოს ხოლმე: "როცა შემიძლია, ამას ვაკეთებ, ყველა კლუბში ვაკეთებდი.

პრემიერ ლიგაში ეს გაცილებით რთულია მატჩების დიდი რაოდენობის გამო, აქ უფრო მეტ შეხვედრას ვატარებთ, ვიდრე ესპანეთსა და გერმანიაში, ასე რომ, ხანდახან როტაცია მიწევს, მაგრამ მიზეზი ხშირად ტრავმა და დისკვალიციკაციაც არის".

მწვრთნელი ამბობს, რომ ახალწვეულ ფეხბურთელთა თავის დამკვიდრება და ტრავმების შემცირება მის გუნდს სეზონის მნიშვნელოვან მომენტში ძალიან დაეხმარა: "რა თქმა უნდა, ახლა სიტუაციისგან სარგებელს ვიღებთ. ახლა ასეთი ვითარება მაქვს, მაგრამ დეკემბერში არ მქონდა.

ფეხბურთელებისთვისაც ფანტასტიკურია, რადგან ბევრი შანსი და შესაძლებლობა აქვთ გუნდურად.

ჩვენი მატჩები უნდა მოვიგოთ, რადგან წინააღმდეგ შემთხვევაში პირველ ოთხეულში ვერ მოხვდებით - ასეთი ზეწოლაა ჩვენზე. ბოლომდე უნდა ვიბრძოლოთ, მერე კი ტიტულის მოგებაც შეგვიძლია".

წყარო: manutd.com