მარკუს რეშფორდი ნამდვილად გახდა გაზეთების მთავარი სალაპარაკო თემა, მაგრამ "მანჩესტერ იუნაიტედის" კიდევ ერთ ახალგაზრდას შეუძლია ლუი ვან გაალის პირველ გუნდში წარმატებით ასპარეზობა.

20 წლის ჯეიმს უილსონმა ვან გაალის ხელმძღვანელობის ქვეშ 13 მატჩი ჩაატარა, მაგრამ მხოლოდ ერთი გოლი გაიტანა, მოგვიანებით კი ჩემპიონშიპის გუნდში, "ბრაიტონ ენდ ჰოუვ ალბიონში" იჯარის წესით გადაბარგდა.

უილსონმა მეორე დივიზიონის გუნდშიც წარმატებით იასპარეზა- ამჟამად მის ანგარიშზე 24 მატჩი - რომელთაგან 11 სასტარტო შემადგენლობაში დაიწყო - და 5 გოლია. თავისი შედეგებით კი "ბრაიტონს" ჩემპიონშიპში მესამე ადგილის დაკავებასა და პრემიერ ლიგის საგზურისთვის ბრძოლაში ეხმარება.

უილსონს იმედი აქვს, რომ უფრო მეტ გოლს გაიტანს და მიღებული გამოცდილება "მანჩესტერ იუნაიტედში" დაბრუნებაში დაეხმარება.

"ამ იჯარის მთელი არსი ფასეული გამოცდილების მიღებაში მდგომარეობდა.

ვფიქრობ, უკვე მივიღე და კიდევ მივიღებ. ახლა მთელი ყურადღება სეზონის დარჩენილ ნაწილში "ბრაიტონზე" მაქვს გადატანილი. მაგრამ უკან დაბრუნება და მომდევნო სეზონში ყველასთვის ჩემი შესაძლებლობების ჩვენება მინდა", - განაცხადა უილსონმა.

"ბრაიტონი" სეზონის ბოლო რაუნდში მეორე ადგილზე მყოფ "მიდლსბროს" ეთამაშება, უილსონს კი იმედი აქვს, რომ "დერბი ქაუნთის" კარში ბოლო წუთზე გატანილი გოლი მას მომდევნო შეხვედრაში სასტარტო შემადგენლობაში ყოფნის საშუალებას მისცემს.

"მიდლსბროსთან" თამაში ფასეული გამოცდილება იქნება- პლეი-ოფის რაუნდის მსგავსი გამოვა. ჩემი სხვაგვარი დებიუტი, ეს ყველაზე დაძაბული შეხვედრა იქნება, რომელშიც მონაწილეობა მიმიღია.

"ბოროსთან" თამაშს მოუთმენლად ველით და შედეგის მიღების იმედი გვაქვს.

"იუნაიტედის" ფეხბურთელებთან მუდმივი კონტაქტი გვაქვს და ერთმანეთს ვგულშემატკივრობთ ინდივიდუალურად თუ გუნდურად. ინგლისის თასზე მათ ყველაფერს საუკეთესოს ვუსურვებ".

წყარო: goal.com