თბილისი:
მანჩესტერი:
26-04-2016, 01:43
ავტორი: RojoDiablo,
ნანახია: 1168,
კომენტარები: 18
ინგლისის თასის ფინალი და ჩემპიონთა ლიგაზე მოხვედრა დავალებად
ხუან მატას ყოველკვირეული ბლოგი.
ინგლისის თასის ფინალი და ჩემპიონთა ლიგაზე მოხვედრა დავალებად
სალამი ყველას.

თქვენ თვითონაც იცით, რომ დიდებული კვირა გამოდგა! ბოლო დღეებმა კლუბისთვის პოზიტიურ ნოტაზე ჩაიარა. ეს ხალხის სახეს და სავარჯიშო ბაზაზე ყოველდღიურ საქმიანობასაც ეტყობა. შაბათს "უემბლიზე" გამართულ მატჩში ინგლისის თასის ფინალში გავედით. ეს ნამდვილი დესერტი იყო აპრილში, რომელიც ჩვენთვის წარმატებული გამოდგა: ექვსი მატჩიდან ხუთი მოვიგეთ. განსაკუთრებული აღნიშვნის ღირსია ბოლო ორი მატჩი, რომლებმაც გულშემატკივარი გაახარა. ისინი საუკეთესოს იმსახურებენ.

გასულ კვირას "ოლდ ტრაფორდზე" "კრისტალ პალასი" დავამარცხეთ. თამაში ძალიან მომეწონა. ხანდახან მართლაც რომ კარგ ფეხბურთს ვთამაშობდით. გულახდილად რომ ვთქვა, უბრალოდ ჩვენი მოწინააღმდეგე დავჯაბნეთ. ეს სამი ქულა დავიმსახურეთ, რომელიც ოთხეულისთვის ბრძოლაში ძალიან მნიშვნელოვანია. ამ შეხვედრაში დაცვაში კარგად ვთამაშობდით და მოწინააღმდეგეს ბევრ შანსს არ ვაქმნევინებდით. დარმიანისთვის განსაკუთრებული მატჩი იყო. მატეო- შესანიშნავი მეგობარი და შრომისმოყვარე ფეხბურთელია. ამ ბიჭთან ყოველ დილით შეხვედრა სასიამოვნოა. მის გამო ყველას გვიხარია. Grande amico (იტ. დიდებული მეგობარი).

რამდენიმე დღეში, შაბათს "უემბლიზე" ინგლისის თასის ფინალის საგზური მოვიპოვეთ, რომელიც 21 მარტს განსაკუთრებული ატმოსფეროს თანხლებით გაიმართება, როგორც ყოველთვის ხდება ხოლმე ამ სტადიონზე. შაბათს შედგა ტიპიური სათასო მატჩი, რომელიც ცენტრის გარეშე მიმდინარეობდა და საფინალო სასტვენამდე დაძაბული და სანახაობრივი იყო. დავიდი და ენტონი უნდა შევაქოთ. პირველი- პენალტის მოგერიებისთვის, მეორე- დამატებით დროში დაუჯერებელი გოლის გამო, რომელმაც დადებითი ემოციების ზღვა მოგვცა. ვფიქრობ, მთელი გუნდი იმსახურებს შექებას, ჩვენ ხომ ამ სეზონში სირთულეები გამოვიარეთ. ხუთ რაუნდში გავიმარჯვეთ ("ვესტ ჰემთან" გადათამაშების ჩათვლით). ახლა განსაკუთრებული მომენტით ტკბობა შეგვიძლია- ინგლისის თასის ფინალში მონაწილეობით. ფეხბურთელის კარიერაში ერთ-ერთი უმშვენიერესი მომენტია. "უემბლიზე" გამართული მატჩი ყოველთვის განსაკუთრებულია.

მაგრამ ინგლისის თასის ფინალი ერთ თვეში შედგება. ახლა გვესმის, რომ სეზონის ბოლომდე 5 მატჩი დაგვრჩა. 5 პირადი ფინალი, რომელთა მოგებაც გვსურს. ვფიქრობ, ამისთვის მზად ვართ. და მომდევნო კვირიდანვე უნდა დავიწყოთ, როცა "ლესტერს" დავუპირისპირდებით. ტიტულისთვის იბრძვიან და "სუონსისთან" გამარჯვების შემდეგ საკუთარი ძალების სწამთ. და ზემოთქმულის გათვალისწინებით, გაგვიჭირდება სამი ქულის აღება. წინა ურთიერთშეხვედრიდან არც ისე სასიამოვნო შეგრძნება დაგვრჩა. უნდა დავამტკიცოთ, რომ მათი დამარცხება შეგვიძლია და გულშემატკივრები უნდა გავახაროთ. "ოლდ ტრაფორდზე" სულ რაღაც ორი მატჩის ჩატარებაღა მოგვიწევს: ამ კვირაში "ლესტერთან" და ბოლო ტურში "უოტფორდთან". მათ შორის კი სტუმრად ვეწვევით "ვესტ ჰემსა" და "ნორვიჩს". როგორც უკვე ვთქვი, რასაც რანიერის გუნდი აკეთებს, შექების ღირსია.

ახლა მინდა, მარეზს (მისი მარცხენა ფეხი რაღაც ფანტასტიკურია, სრულიად დაიმსახურა პრემიერ ლიგის წლის საუკეთესო ფეხბურთელის ჯილდო), დელე ალის (წლის საუკეთესო ახალგაზრდა ფეხბურთელი) და იზი კრიანსენს (საუკეთესო ფეხბურთელი ქალი) მივულოცო. მათ დაუჯერებელი სეზონი ჩაატარეს.

მინდა გაცნობოთ, რომ მომდევნო ხუთშაბათს, 28 აპრილს (ჩემს დაბადების დღეზე) რაღაცას გაგიზიარებთ. სიურპრიზი გელით, რომელზეც მთელი კვირა ვმუშაობდით. ამ მომენტს მოუთმენლად ველოდები. იმედი მაქვს, თქვენც. საქმის კურსში გამყოფებთ.

სასიამოვნო კვირას გისურვებთ. გეხვევით, ხუანი.

P.S. ამ კვირაში პრინცის გარდაცვალების შესახებ გავიგეთ. კიდევ ერთმა დიდებულმა ხელოვანმა დაგვტოვა ძალიან ადრე. ის ნონკომფორმისტი იყო, ადამიანი, რომელმაც მის შემდეგ კვალი დატოვა. ყოველთვის ჩვენს მეხსიერებაში დარჩება თავისი მუსიკის გამო.
მატას ბლოგი
18 კომენტარი
№1
ავტორი: RojoDiablo
26 აპრილი 2016 02:32
  • სიახლეები: 6512
  • კომენტარები: 8613
ისტორიაში პირველად შეეძლება "ლესტერს" ჩემპიონობა გაიფორმოს და თან, ეს გააკეთოს "ოლდ ტრაფორდზე". ისღა დაგვრჩენია, ზეიმი გადავუვადოთ
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№2
ავტორი: stepno
26 აპრილი 2016 02:39
  • სიახლეები: 0
  • კომენტარები: 2967
ციტატა: RojoDiablo
ისტორიაში პირველად შეეძლება "ლესტერს" ჩემპიონობა გაიფორმოს და თან, ეს გააკეთოს "ოლდ ტრაფორდზე". ისღა დაგვრჩენია, ზეიმი გადავუვადოთ

Imedia amis uflebas ar mivcemt :))))) ratomgac 2:1 an 2:0 mgonia eg tamashi
0
№3
ავტორი: ვახო ( G G M U)
26 აპრილი 2016 08:45
  • სიახლეები: 0
  • კომენტარები: 4300
რაც არ უნდა იყოს, ოლდ ტრაფორდზე არავის არ უნდა მივცეთ იმის უფლება, რომ მანჩესტერის გარდა სხვა გუნდმა იზეიმოს პრემიერ ლიგის მოგება. იმსახურებს ლესტერი ჩემპიონობას, მაგრამ ოთხეული ძალიან მნიშვნელოვანია ჩვენთვის!


ისე რა დრო დადგა, ლესტერი ჩემპიონობისთვის იბრძვის და ჩვენ ოთხეულისთვის... okay
0
№4
ავტორი: SANDROGRIGA
26 აპრილი 2016 08:53
  • სიახლეები: 0
  • კომენტარები: 4174
ტოტენჰემს ფეხი დაუცდა და ლესტერს წესით აღარ უნდა გაუჭირდეს ჩემპიონობა... ჩვენ უეჭველი უნდა მოვუგოთ ლესტერს და იმედია ეს ხელს არ შეუშლის გაჩემპიონებაში, ჩვენ კიდე ოთხეულში შესვლისთვის ვიბრძოლებთ
0
№5
ავტორი: Lady in red
26 აპრილი 2016 09:08
  • სიახლეები: 1
  • კომენტარები: 517
ეხლა გუნდი მოტივირებულია და წესით ლესტერის დამარცხება ოლდ ტრაფორდზე არ უნდა გაუჭირდეს, მათ ჩემპიონობა სურთ ჩვენ კი ლიგაზე მოხვედრა და ყველაფერი უნდა გააკეთონ ბიჭებმა ამისთვის
0
№6
ავტორი: dachi_mu
26 აპრილი 2016 09:47
  • სიახლეები: 0
  • კომენტარები: 1418
Totenhemis fexis dacdena aucileblad moadunebs lesteris yuradgebas.... Tan vardi ar iqneba rac sakmaod mnishvnelovania... Norvichi gavardnilia samwuxarod :) arsenals etamasheba exla mere manchesters aq savaraudod damtavrdeba magati ambavi ... Didi shansia 3-me adgilze gasvlis amitom arcerti tamashshi qulis dakargva agar sheidzleba
0
№7
ავტორი: Lev
26 აპრილი 2016 10:02
  • სიახლეები: 0
  • კომენტარები: 1199
გადააგდე კალამი და აიღე განტელები და ცოტა ივარჯიშე თორე გაბურთავებენ ხომ ხედავ, ერთი ხელის მიკვრა და ცარიელი მეშოკივით იქცევი! შე ჰაეროვანო ბუშტო შენა! დავკარგე შენი იმედი
0
_ _ _ _ _ _ _ _ _ _ _ _ _ _ _ _ _ _ _ _ Glory Man united!
№8
ავტორი: Roma
26 აპრილი 2016 11:37
  • სიახლეები: 0
  • კომენტარები: 21
Ese rogor davecit lesteri old trafordze chamodis titulis gasanagdeblad. Es chepionatis dawyebde vinmes roetqva albat gijis status mivanichebdi.
0
№9
ავტორი: hemi
26 აპრილი 2016 11:52
  • სიახლეები: 0
  • კომენტარები: 739
მატას ბლოგი საინტერესოა ხოლმე როგორც ყოველთვის რასაც თამაშზე ხშირად ვერ ვიტყვით, ახლა ლესტერს უნდა მოვუგოთ თორე ვემშვიდოვებით ჩემპიონთა ლიგას
0
№10
ავტორი: Iunaitedi
26 აპრილი 2016 12:07
  • სიახლეები: 0
  • კომენტარები: 1304
აი ჩვენ უკვე ვეგარ გაგვიძლებს ლესტერი wink
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

შემოგვიერთდი

მომდევნო მატჩები

25 ნოემბერი 2017, 19:00
იუნაიტედი
ბრაიტონი
პრემიერ ლიგა
28 ნოემბერი 2017, 18:00
იუნაიტედი
ტოტენჰემი
პრემიერ ლიგა
28 ნოემბერი 2017, 23:45
უოტფორდი
იუნაიტედი
პრემიერ ლიგა
ბრაიტონი25 ნოემბერი
ტოტენჰემი28 ნოემბერი
უოტფორდი28 ნოემბერი

წინა მატჩები

22 ნოემბერი 2017, 23:45
ბაზელი1
იუნაიტედი0
ჩემპიონთა ლიგა
18 ნოემბერი 2017, 20:30
იუნაიტედი4
ნიუკასლი1
პრემიერ ლიგა
5 ნოემბერი 2017, 20:30
ჩელსი1
იუნაიტედი0
პრემიერ ლიგა
ბაზელი22 ნოემბერი
ნიუკასლი18 ნოემბერი
ჩელსი5 ნოემბერი

მატჩის საუკეთესო

პოლ პოგბა
6
პოლ პოგბა

პრემიერ ლიგა

ჩამოშლა

წიგნები

ყველა უფლება დაცულია

© MANUTD.GE 2012

Top