Daily Mail–ის მიერ გავრცელებული ინფორმაციით, მარკუს რეშფორდმა ახალ კონტრაქტზე ხელის მოწერის საკითხი სეზონის ბოლომდე გადადო, რაც შეიძლება აიხსნას იმით, რომ ახალგაზრდა ტალანტი პროფესიონალური აგენტის ძიებაშია.

მას შემდეგ, რაც 18 წლის ფორვარდმა "იუნაიტედის" პირველ გუნდში 13 მატჩში 7 გოლის გატანა შეძლო, კლუბი მისთვის ახალი გრძელვადიანი კონტრაქტის შეთავაზებას გეგმავს, თუმცა ფეხბურთელის ოჯახი ამტკიცებს, რომ თავდაპირველად მოლაპარაკებები სწორად უნდა დაინერგოს.

ამ დრომდე მარკუსის საქმეებში დედა მელი და ინგლისელი ძმები არიან ჩართულნი, თუმცა როდესაც საქმე ეხება სერიოზულ კონტრაქტს, მარკუსის ოჯახს სურს, პროფესიონალს გადააბაროს. ამ დროისთვის, რეშფორდის ოჯახი მოლაპარაკებებს აწარმოებს რამდენიმე ცნობილ სააგენტოებთან, რომლებსაც პრემიერ ლიგის ერთ–ერთ ამომავალ ვარსკვლავთან თანამშრომლობა ძალიან სურთ.

მარკუსის მიმდინარე კონტრაქტი "იუნაიტედთან" 2017 წლის ზაფხულში იწურება. თავად ფეხბურთელი გუნდის დატოვებას არ აპირებს და ახალი ხელშეკრულების გაფორმება სურს, თუმცა მხოლოდ მიმდინარე სეზონის დასრულების შემდეგ.

ამჟამად, რეშფორდი კვირაში 1500 ფუნტს გამოიმუშავებს, ამას პლუს 5000 ფუნტი ყოველ მოგებულ მატჩზე. ახალი კონტრაქტის გაფორმების შემდეგ, კი დიდი ალბათობით ეს რიცხვი ათჯერ გაიზრდება და 15 ათასი ფუნტის ტოლი გახდება, მაგრამ შესაძლოა, პროფესიონალი აგენტების მეშვეობით მარკუსის ხელფასი უფრო მაღალი გახდეს.

წყარო: Manutd.ru