პრემიერ ლიგის ოფიციალურმა საიტმა ტრადიციულად ტურის სიმბოლური ნაკრები გამოაქვეყნა, სადაც "მანჩესტერ იუნაიტედის" მხრიდან მატეო დარმიანი მოხვდა. მატეო "კრისტალ პალასთან" მატჩში საუკეთესო მოთამაშედ დასახელდა, რამეთუ სწორედ მის აქტივობას მოჰყვა ორივე გოლი. პირველი გოლის მომენტში, დარმიანის ჩაწოდებული ბურთი, საკუთარ კარში დელანიმ ჩაჭრა, ხოლო მეორე ტაიმში შესანიშნავი დარტყმით იტალიელმა განაპირა მცველმა სადებიუტო გოლის გატანა მოახერხა.

34-ე ტურის სიმბოლური ნაკრები

მეკარე: ვიტო მანონე (სანდერლენდი).

დაცვა: მატეო დარმიანი (მანჩესტერ იუნაიტედი), იამალ ლასკელისი (ნიუკასლი), მამადუ სახო (ლივერპული), აარონ კრესუელი (ვესტ ჰემი).

ნახევარდაცვა: ანდროს თაუნსენდი (ნიუკასლი), მარკ ნობლი (ვესტ ჰემი), ბენ უოთსონი (უოთფორდი),
დელე ალი (ტოტენჰემი).

თავდასხმა: სერხიო აგუერო (მანჩესტერ სიტი), ჰარი კეინი (ტოტენჰემი).