"მანჩესტერ იუნაიტედის" მეკარე დავიდ დე ხეა პრემიერ ლიგის წლის სიმბოლურ გუნდში მოხვდა.

ესპანელი მეკარე ზედიზედ მესამე სეზონია, რაც წარმატებით ასპარეზობს "წითელი ეშმაკების" რიგებში და გასულ ორ სეზონში დავიდი კლუბის საუკეთესო ფეხბურთელად დასახელდა.

სეზონის სიმბოლურ გუნდში დავიდი ერთადერთი ფეხბურთელია "მანჩესტერ იუნაიტედიდან", მას კი პატნიორობას "უწევენ" "ტოტენჰემის", "ლესტერის", "არსენალისა" და "ვესტ ჰემის" ფეხბურთელები.

სიმბოლური გუნდის სრული შემადგენლობა:

მეკარე: დავიდ დე ხეა ("მანჩესტერ იუნაიტედი")

მცველები: ჰექტორ ბელერინი ("არსენალი"), უეს მორგანი ("ლესტერ სიტი"), ტობიას ალდერვერიელდი ("ტოტენჰემი"), დენი როუზი ("ტოტენჰემი")

ნახევარმცველები რიად მარეზი ("ლესტერი"), დელე ალი ("ტოტენჰემი"), ნ'გოლი კანტე ("ლესტერი"), დიმიტრი პაიე ("ვესტ ჰემი")

თავდამსხმელები: ჯეიმი ვარდი ("ლესტერი"), ჰარი კეინი ("ტოტენჰემი")