"მანჩესტერ იუნაიტედის" მთავარმა მწვრთნელმა "ოლდ ტრაფორდზე" "კრისტალ პალასთან" მოპოვებული გამარჯვების შემდეგ მედიას მიმართა.

გარდა მატჩისა, მწვრთნელმა უეინ რუნისა და მარკუს რეშფორდის უნარებზეც ისაუბრა და ძირითად შემადგენლობაში ორივესთვის ადგილის გამონახვის შესაძლებლობაც ახსნა.

"დღეს რუნის მეტ-ნაკლებად ნახევარმცველის როლის ჰქონდა, რისი მიზეზიც "კრისტალ პალასის" სათამაშო სტილი იყო და ისიც, რომ რეშფორდის მოხსნა თავდამსხმელის პოზიციიდან, არ მინდოდა, ამიტომაც რუნისთვის სხვა პოზიცია მოვძებნეთ. ეს შარშანაც გავაკეთე, მისთვის სიახლე არ არის და ძალიან ბედნეირი ვარ, რომ ასე ითამაშა", - განაცხადა ჰოლანდიელმა.

რაც შეეხება მატჩს, ვან გაალი ამბობს: "შეხვედრის შემდეგ ჩემს ფეხბურთელებს ვუთხარი, რომ კარგი მატჩი ჩაატარეს. ერთადერთი შენიშვნა ის იყო, რომ ბევრი გოლი ვერ გავიტანეთ, რადგანაც 5-0 მოგებაც შეგვეძლო, ჩემი აზრით. ჩვენი სათამაშო სტილითა და შექმნილი შანსების სიმრავლით მოხარული ვარ.

სამი ქულა მინდოდა, რადგან ყველაზე მთავარი სწორედ ეს არის. ჩამორჩენა უნდა შევამციროთ და უნდა გავიმარჯვოთ- მატჩის წინ ჩემს ფეხბურთელებს სწორედ ეს ვუთხარი. უნდა მოგვეგო და გავაკეთეთ კიდეც."