ნემანია ვიდიჩმა, ოდესღაც "მანჩესტერ იუნაიტედის" დაცვის ბურჯმა აღინშნა, რომ თვალს ადევნებს გუნდში ახალგაზრდა ფეხბურთელების გამოჩენას.

მიმდინარე სეზონში "წითლების" შემადგენლობაში სადებიუტო შეხვედრა ჩაატარეს ტიმოთ ფოსუ-მენსამ, კამერონ ბორტუიკ-ჯექსონმა, ჯო რაილიმ, დონალდ ლავმა, გილერმო ვარელამ, მარკუს რეშფორდმა და ჯეიმს უერმა, ხოლო რეიგან პული, ასელ ტუანზებე და რო-შონ უილიამსი განაცხადში მოხვდნენ.

ვიდიჩი აკადემიის ფეხბურთელების გარდა ენტონი მარსიალსაც ყურადღებით აკვირდება, თუმცა მისი შეხედულებით, ახალგაზრდა მცველისთვის უფრო მნიშვნელოვანია მხარდაჭერა, ვიდრე შემტევი ხაზის ფეხბურთელებისთვის.

"ვფიქრობ, მცველებისთვის გაცილებით ადვილია, მით უმეტეს, როცა თქვენ, ფეხბურთელებს, სამს ან ოთხს ერთად გათამაშებენ ერთ მატჩში. ახალგაზრდა თავდამსხმელებისთვის ენერგია, წარმოსახვა და ბედნიერებაა მნიშვნელოვანია... მოედანზე გაგყავთ და აძლევთ მისწრაფებას, მაგრამ დაცვაში, ჩემი აზრით, საჭიროა ის, ვინც ამ ბიჭებს წარუძღვება.

"იუნაიტედი" ყოველთვის იწვევდა ახალგაზრდა ფეხბურთელებს პირველ გუნდში და, რა თქმა უნდა, მათ აქვთ შესაძლებლობები, ეს დაამტკიცეს იმ მატჩებში, რომელშიც მონაწილეობა მიიღეს, მაგრამ თუ თასის მოპოვება გსურს- მათთან აუჩქარებლად უნდა იმუშაო. ისინი მხოლოდ შესაფერის მატჩებში უნდა ათამაშო, ნელ-ნელა განავითარო, რათ ძირითადში დიდხანს დარჩნენ.

სინამდვილეში ხანგრძლივი პროცესი უნდა შედგეს არა მცველებისთვის, არამედ თავდამსხმელებისთვისაც. ისინი ძალიან ფრთხილად უნდა განავითარო. გააგებინო, რომ "მანჩესტერ იუნაიტედი" - ეს არის კლუბი, რომელიც ყოველთვის იბრძვის ტიტულისთვის და თუ ეს არ მოხდება, ფეხბურთელები კრიტიკას უნდა შეეგუონ, რაც ადვილი არ იქნება ახალგაზრდა ფეხბურთელებისათვის. ამიტომაც, მათ მხარდასაჭერად გამოცდილი ფეხბურთელები არიან საჭირო", - განაცხადა ვიდიჩმა.

"წითლების" ერთ-ერთი ყველაზე გამორჩეული ფეხბურთელი ამ სეზონში კრის სმოლინგია, ოდესღაც ნემანიას თანაგუნდელი. შაბათს კრისმა "იუნაიტედის" მაისურით მე-200 მატჩი ჩაატარა. სწორედ მისით არის სერბი აღფრთოვანებული ყველაზე მეტად.

"კრისი ყოველთვის მომწონდა. მომწონს იმიტომ, რომ მცველია. მცველის მენტალიტეტი აქვს, მასაც მოსწონს"- განაცხადა ვიდიჩმა ყოფილი თანაგუნდელის გახსენებისას.

"მჯერა, რომ უკეთესი გახდება, თუმცა ფიზიკურად ძლიერია და, როგორც ვთქვი, დაცვაში თამაში უყვარს, რაც, როგორც მე მგონია, ყველაზე მთავარია. დღეს ასე ხშირად ვერ შეხვდებით ფეხბურთელს, რომელსაც თავდაცვა უყვარს. ეს მისი უნარია".

წყარო: manutd.com