დევიდ ბექჰემი მიმდინარე წელს "მანჩესტერ იუნაიტედის" ყველა დროის საუკეთესო თერთმეტეულის კაპიტანი იქნება "იუვენტუსთან" შეხვედრაში.

ავსტრალიური გამოცემა Fairfax Media ამტკიცებს, რომ ინგლისის ნაკრების ყოფილი კაპიტანი ახლოსაა სიდნეიში ოქტომბერში ან ნოემბერში ორ კლუბს შორის მატჩის ჩატარების თაობაზე შეთანხმების მიღწევასთან.

ბექჰემის გუნდს კი ლეგენდარული სერ ალექს ფერგიუსონი გაწვრთნის.

დევიდის გარდა გუნდში იქნებიან დუაით იორკი, ფილ ნევილი, ოლე გუნარ სოლსკიაერი და რაიან გიგზიც - იტყობინება the Sydney Morning Herald report.

ბექჰემისა და ფერგიუსონის ურთიერთობა 2003 წელს მომხდარი ცნობილი ფაქტის გამო გართულდა.

ინგლისის თასზე "არსენალთან" მატჩში "ოლდ ტრაფორდზე" დამარცხების შემდეგ ფერგიუსონმა გასახდელ ოთახში ბექჰემს სახეში ბუცი ესროლა, რაც მოგვიანებით თავის ავტობიოგრაფიულ წიგნში დაადასტურა.

ბექჰემი ინციდენტის შემდეგ

ინციდენტის შემდეგ ბექჰემი მადრიდის "რეალში" გადავიდა. თუმცა ფეხბურთელსა და ყოფილ მწვრთნელს შორის ურთიერთობა მას შემდეგ საწყის ვითარებას დაუბრუნდა.

გასულ ნოემბერს შოტლანდიელი დიდი ბრიტანეთის გუნდს წვრთნიდა, რომელსაც ასევე ბექჰემი კაპიტნობდა "ოლდ ტრაფორდზე" "დანარჩენი მსოფლიოს თერთმეტეულის" წინააღმდეგ მატჩში.

წყარო: M.E.N.