ხავიერ ერნანდესმა "მანჩესტერ იუნაიტედი" გააფრთხილა, რომ სერ ალექს ფერგიუსონის დროს მომდევნო 100 წლის განმავლობაშიც ვერ იპოვის, ვან გაალის სამუშაო კი "ოლდ ტრაფორდზე" ჯერ კიდევ იწვევს ბევრ ეჭვს.

ჟოზე მოურინიო და რაიან გიგზი "წითელი ეშმაკების" მთავარი მწვრთნელის პოსტი დაკავების რეალურ კანდიდატებად განიხილებიან, მაგრამ ჩიჩარიტოს მიაჩნია, რომ კლუბის მცდელობები უშედეგო იქნება და სერ ალექს ფერგიუსონის ეპოქა არასდროს განმეორდება.

"ვან გაალი მართლაც კარგი მწვრთნელია, გულახდილად ვამბობ. მსოფლიოს სხვა დანარჩენი მწვრთნელის მსგავსად მასაც საკუთარი ხელწერა აქვს.

ახალ სერ ალექს ფერგიუსონს 50-100 წლის განმავლობაში ვერ იპოვით, რადგან ის უნიკარული იყო. განსაკუთრებული.

ვან გაალს ყველაფრის გამოსწორება შეუძლია, მაგრამ ფეხბურთში დრო და შედეგი თავისთავად მეტყველებს მის საჭიროებაზე ან არასაჭიროებაზე", - განაცხადა მექსიკელმა.

ვან გაალის გადაწყვეტილება, გაეშვა ხავიერ ერნანდესი, არაერთხელ ქცეული კრიტიკის სამიზნედ, რამეთუ "იუნაიტედს" 33 მატჩში მხოლოდ 40 გოლი აქვს გატანილი მიმდინარე სეზონში, მაშინ, როცა ჩიჩარიტომ ბუნდესლიგაში 25 მატჩში 16-ჯერ გამოიჩინა თავი.

27 წლის ფეხბურთელი კი ამბობს, რომ მწვრთნელის გულახდილობით მოხარულია.

"მან მითხრა, რომ თამაშის შანსი ძალიან მიმცირდებოდა.

მოხარული ვიყავი იმით, რომ დასაწყისიდანვე გულახდილად მეპყრობოდა. როცა წავედი, მითხრა, რომ ჩემი შანსები და შესაძლებლობები მცირდებოდა, რადგანა მისი მთავარი ფორვარდი უეინ რუნი იქნებოდა.

თუ რუნი ტრავმას მიიღებდა, მაშინ მე ვითამაშებდი, მაგრამ თუ ფორმაში იქნებოდა, ის ითამაშებდა", - დაასრულა ერნანდესმა.

წყარო: goal.com